ലോകത്ത് കോവിഡ് ബാധിതർ ഒരു കോടി

ലോകമാകെ  കോവിഡ് രോഗബാധിതർ ഒരു കോടി. മരണം 5 ലക്ഷത്തോടടുത്തായി. ഇതുവരെ റിപ്പോർട്ട് ചെയ്ത മൊത്തം കോവിഡ് കേസുകൾ 99.83 ലക്ഷം പിന്നിട്ടു. മരണം 4.98 ലക്ഷം കടന്നു. ഇതുവരെ രോഗം ഭേദമായവർ 54 ലക്ഷം.

പ്രതിദിനം 2 ലക്ഷത്തോളം പുതിയ കേസുകളാണ് ഇപ്പോൾ ലോകമാകെ ഓരോ ദിവസവും റിപ്പോർട്ട് ചെയ്യുന്നത്. പുതിയ രോഗികളുടെ പ്രതിദിന കണക്കിൽ ഇന്ത്യ ലോകത്ത് മൂന്നാമതാണ്; ഒന്നാമതു യുഎസും രണ്ടാമതു ബ്രസീലുമാണ്.

വെള്ളിയാഴ്ച 3 രാജ്യങ്ങളിലും റിപ്പോർട്ട് ചെയ്ത പുതിയ കേസുകൾ: യുഎസ് 47,431, ബ്രസീൽ 46,907, ഇന്ത്യ 18,552. രോഗബാധിതരുടെ എണ്ണത്തിൽ ഇന്ത്യ നാലാമതും മരണസംഖ്യയിൽ എട്ടാമതുമാണ്.

English summary: Covid tally reach one crore