കോവിഡ്: സൗദിയിൽ 48 മരണം കൂടി

റിയാദ്, ദുബായ് ∙ സൗദിയിൽ കോവിഡ് ബാധിച്ച് മലയാളികൾ ഉൾപ്പെടെ 48 പേർ കൂടി മരിച്ചു. 3943 പേർക്ക് രോഗം സ്ഥിരീകരിച്ചു. 2363 പേർ രോഗമുക്തി നേടി. രോഗബാധിതർ 1,86,436. സുഖപ്പെട്ടവർ 1,27,118. മരണം 1599. 

2 പേർ കൂടി മരിച്ചതോടെ കുവൈത്തിൽ മരിച്ചവർ 350. പുതുതായി 582 പേർക്ക് രോഗം  സ്ഥിരീകരിച്ചു. 819 പേർ കൂടി രോഗമുക്തി നേടി. രോഗബാധിതർ 45524. സുഖപ്പെട്ടവർ 36313. മരണം 350. 

പ്രവാസികൾക്കിടയിൽ കോവിഡ് വ്യാപിച്ചതോടെ ഇളവുകൾക്കൊപ്പം ഖത്തറിൽ നിയന്ത്രണങ്ങളും പ്രാബല്യത്തിൽ.  നാളെ മുതൽ പൊതു, സ്വകാര്യ ഇടങ്ങളിൽ 5 പേരിൽ കൂടുതൽ ഒത്തുചേരാൻ പാടില്ല.  ബീച്ചുകളും പാർക്കുകളും നാളെ തുറക്കും. പൊതു, സ്വകാര്യ മേഖലയിൽ കൂടുതൽ ഇളവുകളും പ്രഖ്യാപിച്ചിട്ടുണ്ട്. എന്നാൽ മാസ്‌ക് ധരിക്കുന്നതും സാമൂഹിക അകലം പാലിക്കുന്നതും നിർബന്ധം. 3 പേർ കൂടി മരിച്ചതോടെ ഖത്തറിൽ മരിച്ചവർ 113. രോഗബാധിതർ 95,106. സുഖം പ്രാപിച്ചവർ 80,170.

ഒമാനിൽ  6 പേർ കൂടി മരിച്ചതോടെ ആകെ മരണം 169. പുതുതായി 910 പേർക്കു കൂടി രോഗം സ്ഥിരീകരിച്ചു. രോഗബാധിതർ 39,060. ബഹ്റൈനിൽ ഒരാൾ കൂടി മരിച്ചതോടെ ആകെ മരണം 83. രോഗബാധിതർ 25705. രോഗമുക്തർ 20517.

English Summary: covid-gulf-update