ചൈനയിൽ പുതിയ എച്ച്1എൻ1 വൈറസ്

വാഷിങ്ടൻ ∙ വൻ പകർച്ചവ്യാധിയായേക്കാവുന്ന പുതിയ തരം എച്ച്1എൻ1 ചൈനയിൽ പടരുന്നതായി യുഎസ് ജേണൽ പിഎൻഎഎസ്. 2009 ലുണ്ടായ എച്ച്1എൻ1 ന്റെ വകഭേദത്തിന് ജി–4 എന്നാണു പേരിട്ടിരിക്കുന്നത്. മനുഷ്യനിലേക്ക് എളുപ്പം പകരാവുന്നവയാണിതെന്ന് ഗവേഷകർ അഭിപ്രായപ്പെട്ടു. 

2011 –18 ൽ ചൈനയിലെ വിവിധ ഇടങ്ങളിൽ പന്നികളിൽനിന്നു സ്രവം ശേഖരിച്ചു നടത്തിയ പരിശോധനയിൽ 178 ഇനം വൈറസുകളെ കണ്ടെത്തി. സാധാരണമായി ശരീരം പ്രതിരോധിക്കുന്നവയല്ല ഇവ. വൈറസ് മനുഷ്യരിലെത്തിയിട്ടുണ്ടാകാമെന്നും പന്നികളുമായി ഇടപെടുന്നവരെ ഉടൻ പരിശോധിക്കണമെന്നും ജേണൽ ആവശ്യപ്പെടുന്നു. 

English summary: New H1N1 virus in China