ദക്ഷിണ കൊറിയ മുൻ സൈനിക മേധാവി അന്തരിച്ചു
Mail This Article
സോൾ ∙ ദക്ഷിണ കൊറിയയുടെ സേനാ മേധാവി ആയിരുന്ന ജനറൽ പെയ്ക് സൺയപ് (99) അന്തരിച്ചു. ഉത്തര കൊറിയയിൽ ജനിച്ച് ജപ്പാന്റെ മിലിറ്ററി അക്കാദമിയിൽ പരിശീലനം നേടിയ ജനറൽ പെയ്ക് 1950–53 കൊറിയൻ യുദ്ധത്തിലെ വിജയ നായകനാണ്.
1948 ൽ വർക്കേഴ്സ് പാർട്ടിയുടെ നേതൃത്വത്തിൽ നടന്ന സൈനിക കലാപത്തെ തുടർന്ന് സേനയിലെ കമ്യുണിസ്റ്റുകളെ ഇല്ലാതാക്കുന്നതിനുള്ള പ്രത്യേക വിഭാഗത്തിന്റെ തലവനായിരുന്നു. കലാപത്തിനു നേതൃത്വം നൽകിയതിന് വധശിക്ഷയ്ക്കു വിധിക്കപ്പെട്ട പാർക് ചുങ്ഹീയെ രക്ഷപ്പെടുത്തിയത് പെയ്ക്കാണ്. 1961 ൽ അട്ടിമറിയിലൂടെ ഭരണം പിടിച്ചെടുത്ത പാർക് 20 വർഷത്തോളം ഏകാധിപതിയായി രാജ്യം ഭരിച്ചു.
സൈനിക മേധാവി ആയി 1960 ൽ വിരമിച്ച പെയ്ക് തയ്വാൻ, ഫ്രാൻസ്, കാനഡ എന്നിവിടങ്ങളിൽ അംബാസഡറായും 1969–71 ൽ ഗതാഗത മന്ത്രിയായും സേവനം അനുഷ്ഠിച്ചു.
English summary: South Korean former army leader passes away