ഇന്തൊനീഷ്യൻ മുങ്ങിക്കപ്പൽ തകർന്നു, താണു

ന്യൂഡൽഹി ∙ ബാലി തീരത്തിനു സമീപം കടലിനടിയിൽ 53 പേരുമായി കാണാതായ ഇന്തൊനീഷ്യയുടെ ‘കെആർഐ നംഗ്ഗല 402’ മുങ്ങിക്കപ്പൽ തകർന്നതായി ഇന്തൊനീഷ്യ സ്ഥിരീകരിച്ചു. മുങ്ങിക്കപ്പലിന്റെ 6 ഭാഗങ്ങൾ കടലിനടിയിൽ 850 മീറ്റർ ആഴത്തിൽ കണ്ടെത്തി.

മുങ്ങിക്കപ്പൽ കണ്ടെത്താൻ ഇനിയും സാധിച്ചിട്ടില്ലെന്നും അതു തകർന്നുവെന്ന നിഗമനത്തിലാണു തിരച്ചിൽ നടത്തുന്നതെന്നും ഇന്തൊനീഷ്യൻ നാവികസേനാ മേധാവി അഡ്മിറൽ യൂദോ മർഗാനോ പറഞ്ഞു. ഇതോടെ, കപ്പലിനുള്ളിൽ കുടുങ്ങിയവരെ രക്ഷിക്കാനാകുമെന്ന പ്രതീക്ഷ ഏറെക്കുറെ അസ്തമിച്ചു.