പാക്കിസ്ഥാനിൽ ട്രെയിനുകൾ കൂട്ടിയിടിച്ച് 50 മരണം

കറാച്ചി ∙ പാക്കിസ്ഥാനിലെ സിന്ധ് പ്രവിശ്യയിൽ ട്രെയിനുകൾ കൂട്ടിയിടിച്ച് 50 പേർ മരിച്ചു. 70 പേർക്കു പരുക്കേറ്റു. രക്ഷാപ്രവർത്തനങ്ങൾക്കു സൈന്യത്തിന്റെ സഹായം തേടി. തിങ്കളാഴ്ച രാവിലെയാണ് അപകടം. കറാച്ചിയിൽ നിന്ന് സർഗോധയിലേക്കുള്ള മില്ലത്ത് എക്സ്പ്രസ് പാളം തെറ്റി അടുത്ത ട്രാക്കിലേക്ക് മറിഞ്ഞപ്പോൾ അതിലെ വന്ന റാവൽപിണ്ടി സർ സയീദ് എക്സ്പ്രസ് പാഞ്ഞു കയറിയാണു ദുരന്തം. സ്ത്രീകളും റെയിൽവേ ജോലിക്കാരും ഉൾപ്പെടെയുള്ളവർ മരിച്ചവരിലുണ്ട്.