ഫ്രഞ്ച് ഫ്രൈസ്, പ്ലേറ്റൊന്നിന് വില 15,000 രൂപ!

ലോകത്തിലെ ഏറ്റവും വില കൂടിയ ഫ്രഞ്ച് ഫ്രൈസ് എന്ന ഗിന്നസ് ലോകറെക്കോർഡ് നേടിയിരിക്കുകയാണ് ‘ക്രീം ഡി ലാ ക്രീം പോം ഫ്രീറ്റ്’. പ്രത്യേകയിനം ഉരുളക്കിഴങ്ങുകൾ ഉപയോഗിച്ച് തയാറാക്കുന്ന ഈ ഫ്രഞ്ച് ഫ്രൈസിലും കൂടെയുള്ള സോസിലും ട്രഫിൾസ് എന്നറിയപ്പെടുന്ന അപൂർവയിനം കൂണുകളും ഉപയോഗിച്ചിട്ടുണ്ട്. 

അലങ്കാരത്തിനായി ഭക്ഷ്യയോഗ്യമായ സ്വർണത്തരികളും വിതറിയിരിക്കുന്നു. ന്യൂയോർക്കിലെ സെറൻഡിപിറ്റി 3 എന്നറിയപ്പെടുന്ന ഭക്ഷണശാലയിലാണ് ഇതു വിളമ്പുന്നത്. ഒരു പ്ലേറ്റിന് 200 ഡോളർ (ഏകദേശം 15,000 രൂപ) ആണു വില. ഫ്രഞ്ച് ഫ്രൈസ് മാത്രമല്ല 70,000 രൂപയുടെ ഐസ്ക്രീമും 20,000 രൂപയുടെ ബർഗറും ഇവിടെ ലഭ്യമാണ്.