അൽജീരിയ മുൻ പ്രസിഡന്റ് ബുദിഫ്ലീക അന്തരിച്ചു

അൽജിയേഴ്സ് ∙ അൽജീരിയയുടെ മുൻ പ്രസിഡന്റ് അബ്ദുൽ അസീസ് ബുദിഫ്ലീക (84) അന്തരിച്ചു. ഫ്രഞ്ച് കോളനിവാഴ്ചയ്ക്ക് എതിരെ അൽജീരിയയുടെ സ്വാതന്ത്ര്യസമരത്തിലെ മുന്നണിപ്പോരാളിയായിരുന്ന ബുദിഫ്ലീക 1999 മുതൽ 2019 വരെ പ്രസിഡന്റായിരുന്നു. ജനകീയ പ്രക്ഷോഭത്തെ തുടർന്ന് 2019 ഏപ്രിലിൽ സ്ഥാനമൊഴിഞ്ഞ അദ്ദേഹം പൊതുരംഗത്തുനിന്നു വിട്ടുനിൽക്കുകയായിരുന്നു. 1962ൽ രാജ്യം സ്വാതന്ത്ര്യം നേടിയപ്പോൾ ആദ്യ വിദേശകാര്യ മന്ത്രി ആയി. 

English Summary: Algeria’s former President Abdelaziz Bouteflika dies at 84