ADVERTISEMENT

നോംപെൻ (കംബോഡിയ) ∙ കുഴിബോംബുകൾ മണത്തുപിടിച്ച് ധീരതയ്ക്കുള്ള സ്വർണമെഡലും കംബോഡിയയുടെ സ്നേഹവും ഏറ്റുവാങ്ങിയ മഗാവ എന്ന എലിക്കു വിട. ആഫ്രിക്കയിലെ ടാൻസാനിയയിൽ 2013 ൽ ഉണ്ടായ എലിക്കുഞ്ഞുങ്ങളിലൊന്നിനെ ബൽജിയം കേന്ദ്രമാക്കിയുള്ള ‘അപോപോ’ സന്നദ്ധസംഘടനയാണു കുഴിബോംബ് പരിശോധനയിൽ പരിശീലനം നൽകി കംബോഡിയയിൽ എത്തിച്ചത്.

5 വർഷം നീണ്ട കരിയറിൽ നൂറിലേറെ കുഴിബോംബുകൾ കണ്ടെത്താൻ സഹായിച്ച ശേഷം വിശ്രമജീവിതം നയിക്കുകയായിരുന്നു മഗാബ. ആഭ്യന്തരയുദ്ധത്തിന്റെ ദുരന്തശേഷിപ്പായി നൂറുകണക്കിനു കുഴിബോംബുകളാണു കംബോഡിയയിൽ ഇപ്പോഴും മറഞ്ഞുകിടക്കുന്നത്. തായ്‌ലൻഡ് അതിർത്തിയോടു ചേർന്ന പ്രവിശ്യയിൽ കുഴിബോംബ് പരതുന്നതിനിടെ സ്ഫോടനമുണ്ടായി കഴിഞ്ഞ ദിവസം 3 പേർ മരിച്ചു.

English Summary: Cambodia's landmine-sniffing 'hero' rat Magawa dies 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com