മഹിന്ദ രാജപക്സെയെ പൊലീസ് ചോദ്യംചെയ്തു
Mail This Article
കൊളംബോ ∙ ഭക്ഷ്യക്ഷാമം അടക്കമുള്ള പ്രശ്നങ്ങളുടെ പേരിൽ പ്രകടനം നടത്തിയവർക്കെതിരെ അനുയായികൾ നടത്തിയ ആക്രമണവുമായി ബന്ധപ്പെട്ട് മുൻപ്രധാനമന്ത്രി മഹിന്ദ രാജപക്സെയുടെ പൊലീസ് 3 മണിക്കൂർ ചോദ്യം ചെയ്തു. ഈ മാസം 9ന് നടന്ന കലാപത്തിൽ 10 പേർ കൊല്ലപ്പെടുകയും 200 പേർക്ക് പരുക്കേൽക്കുകയും ചെയ്തിരുന്നു.
സിഐഡി വിഭാഗമാണ് മഹിന്ദയുടെ വസതിയിലെത്തി ചോദ്യം ചെയ്തത്. മകനും മുൻമന്ത്രിയുമായ നമൽ രാജപക്സെയെയും ചോദ്യം ചെയ്തിരുന്നു. ഭരണകക്ഷിയായ എസ്എൽപിപിയുടെ 3 അംഗങ്ങളെ കഴിഞ്ഞയാഴ്ച ചോദ്യം ചെയ്തിരുന്നു. നേരത്തെ അറസ്റ്റിലായ 2 നേതാക്കൾ റിമാൻഡിലാണ്. ജപ്പാനിൽ നിന്ന് സാമ്പത്തികസഹായം ലഭിക്കുമെന്നും ഇതിനായി നടന്നുവരുന്ന ചർച്ചകൾ അതിവേഗം ഫലമണിയുമെന്നും പ്രസിഡന്റ് ഗോട്ടബയ രാജപക്സെ പ്രതീക്ഷ പ്രകടിപ്പിച്ചു.
Enlgish Summary: Former Sri Lankan PM Mahinda Rajapaksa questioned by CID