പോളിയോ വാക്സീൻ സംഘത്തെ വെടിവച്ചു കൊന്നു

പെഷാവർ ∙ പോളിയോ വാക്സീൻ നൽകുന്ന സംഘത്തിലെ 2 പൊലീസുകാർ അടക്കം 3 പേരെ പാക്കിസ്ഥാനിലെ വടക്കൻ വസീറിസ്ഥാനിൽ അക്രമികൾ വെടിവച്ചു കൊന്നു. അഫ്ഗാനിസ്ഥാൻ അതിർത്തിയിലെ വസീറിസ്ഥാനിൽ ഈ വർഷം 9 പോളിയോ കേസുകൾ റിപ്പോർട്ട് ചെയ്തതോടെയാണ് ഓരോ വീട്ടിലും കയറി വാക്സീൻ നൽകാൻ ആരോഗ്യപ്രവർത്തകരെ നിയോഗിച്ചത്.

പൊലീസുകാർ ആരോഗ്യപ്രവർത്തകർക്കു സുരക്ഷ നൽകാൻ ഒപ്പമുണ്ടായിരുന്നവരാണ്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. പോളിയോ വാക്സീൻ നൽകാനെത്തുന്നവരെ ആക്രമിക്കുന്നത് പാക്കിസ്ഥാനിൽ പതിവാണ്.  രാജ്യത്തെ 4.3 കോടി കുഞ്ഞുങ്ങൾക്കു വാക്സീൻ നൽകാനുള്ള ദൗത്യം മേയിലാണ് പാക്കിസ്ഥാൻ ആരംഭിച്ചത്.

English Summary: Militants in Pakistan attack polio vaccination team