തീക്കളികൾക്ക് നേർസാക്ഷി; കിമ്മിന്റെ പിൻഗാമി മകളോ ?

HIGHLIGHTS
  • കിം ജോങ് ഉനിന്റെ പിൻഗാമിയാകും മകളെന്ന് മാധ്യമങ്ങൾ
kim-jong-un-and-kim-ju-ae
ഉത്തരകൊറിയയുടെ ഏകാധിപതി കിം ജോങ് ഉൻ മകൾ ജുഎയ്ക്കൊപ്പം ഭൂഖണ്ഡാന്തര ബാലിസ്റ്റിക് മിസൈലിന്റെ വിക്ഷേപണത്തിന് എത്തിയപ്പോൾ.
SHARE

സോൾ ∙ ഉത്തരകൊറിയയുടെ ഏകാധിപതി കിം ജോങ് ഉൻ നടത്തുന്ന ‘തീക്കളി’കൾക്ക് കൂട്ടായി മകൾ വീണ്ടും പൊതുവേദിയിലെത്തിയതോടെ കിമ്മിന്റെ പിൻഗാമിയാകുമോ പെൺകുട്ടി എന്ന ചർച്ച മാധ്യമങ്ങളിൽ സജീവമായി. ഭൂഖണ്ഡാന്തര ബാലിസ്റ്റിക് മിസൈലിന്റെ വിക്ഷേപണവുമായി ബന്ധപ്പെട്ടാണ് രണ്ടാമത്തെ മകൾ ജുഎയുമായി കിം ആദ്യം പൊതുവേദിയിലെത്തിയത്. കഴിഞ്ഞ ദിവസം മിസൈൽ ശാസ്ത്രജ്ഞരുമായി കിം നടത്തിയ ചർച്ചകൾക്കൊപ്പവും പത്തുവയസ്സുകാരി മകളുണ്ടായിരുന്നു.

പട്ടാളക്കാർക്ക് ഹസ്തദാനം നൽകുന്നതും ഗ്രൂപ്പ് ഫോട്ടോയിൽ പിതാവിനൊപ്പം പോസ് ചെയ്യുന്നതുമായ ചിത്രങ്ങൾ ഉത്തരകൊറിയയുടെ ഔദ്യോഗിക വാർത്ത ഏജൻസി തന്നെയാണു പുറത്തുവിട്ടത്. ആദ്യം പുറത്തുവിട്ട ചിത്രങ്ങളിൽ കിമ്മിന്റെ പ്രിയ പുത്രി എന്ന് അടിക്കുറിപ്പുണ്ടായിരുന്നു. പിന്നീടുള്ള ചിത്രങ്ങളിൽ ‘ പൊന്നോമന പുത്രി’ എന്ന വിശേഷണം കൂടി മകൾക്കു ലഭിച്ചത് അഭ്യൂഹങ്ങൾക്കിടയാക്കി. 

രാജ്യാന്തര മിസൈൽ വിക്ഷേപണം പോലൊരു തന്ത്രപ്രധാനമായ ചടങ്ങിൽ  മകളെ ഇറക്കി തന്റെ പിൻഗാമിയാക്കി അനൗദ്യോഗികമായി പ്രഖ്യാപിക്കുകയാണു കിം ചെയ്തതെന്നാണ് നിരീക്ഷകരുടെ വാദം. ഈ ചടങ്ങുകളിലെല്ലാം ഭാര്യയും എത്തിയെങ്കിലും അവർ ചിത്രങ്ങളിലില്ല. 2009 ലാണു കിം, ഗായിക റി സോൾ ജൂവിനെ വിവാഹം ചെയ്തത്. 2 പെൺകുട്ടികളും ഒരു ആൺകുട്ടിയുമാണിവർക്ക്.

English Summary: Kim Jong Un daughter Kim Ju Ae appears again fueling speculation over North Korea succession

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

Happy Home | ഈ വീട് നിങ്ങളെ സന്തോഷിപ്പിക്കും! 

MORE VIDEOS