സൈനികശക്തി പരിശോധിക്കാൻ മകളോടൊപ്പം വീണ്ടും കിം

സോൾ ∙ ഉത്തരകൊറിയൻ സൈന്യത്തിന്റെ 75–ാം വാർഷികത്തിൽ കിം ജോങ് ഉൻ വീണ്ടും മകളോടൊപ്പം പ്രത്യക്ഷപ്പെട്ടു. കഴിഞ്ഞ 35 ദിവസമായി കിം ജോങ് പൊതുപരിപാടികളിൽ പങ്കെടുക്കാതിരുന്നത് വാർത്തയായിരുന്നു. കഴിഞ്ഞ നവംബറിൽ മകൾ ജുഎയ്ക്കൊപ്പം കിം മിസൈൽ വിക്ഷേപണം നിരീക്ഷിക്കാനെത്തിയിരുന്നു. മകളെ പിൻഗാമിയായി പ്രഖ്യാപിക്കുന്നതിന്റെ മുന്നോടിയാണിതെന്നാണ് അഭ്യൂഹം. ഭാര്യ റി സോൾ ജു ഒപ്പമുണ്ടായിരുന്നു.

‌ഉത്തരകൊറിയയുടെ ഏറ്റവും പുതിയ ആണവായുധങ്ങൾ പ്രദർശിപ്പിക്കുന്ന വൻ സൈനിക പരേഡ് പോങ്ങ്യാങ്ങിൽ നടക്കാനിരിക്കെയാണ് സൈന്യത്തിന്റെ ആണവശേഷി പരിശോധിച്ച് കിം തൃപ്തി പ്രകടിപ്പിച്ചത്. സൈനിക ബാരക്കുകൾ സന്ദർശിച്ച കിം ഭടന്മാരെ അഭിനന്ദിച്ചു. യുദ്ധാഭ്യാസ പരിശീലനങ്ങൾ നടത്താൻ ഉത്തരവിട്ടു. 

English Summary: Kim Jong Un visits troops with daughter