Manoramaonline.com no longer supports Internet Explorer 8 or earlier. Please upgrade your browser.  Learn more »

ചിക്കന്‍ ഇന്‍ വൈറ്റ് ഗ്രേവി

വെള്ളനിറത്തിലൊരു ചിക്കൻ കറി തയാറാക്കിയാലോ? സവോളയും കശുവണ്ടിപ്പരിപ്പും അരച്ചു ചേർത്ത വെളുത്തനിറത്തിലുള്ള ചിക്കൻ കറി രുചിക്കൂട്ട്.

ചിക്കൻ - 500 ഗ്രാം
തൈര് - 2 കപ്പ്
ഇഞ്ചി – വെളുത്തുള്ളി പേസ്്റ്റ് – 1 ടേബിള്‍സ്പൂണ്‍
റോസ്റ്റഡ് ഗരം മസാല – 1 ടേബിള്‍സ്പൂണ്‍
കുരുമുളകുപൊടി – 1 ടീസ്പൂണ്‍
ഉപ്പ് – 1 ടീസ്പൂണ്‍
സവാള – 3
ബട്ടർ – 50 ഗ്രാം
നെയ്യ് – 1 ടീസ്പൂണ്‍
ഗരം മസാല കൂട്ട് (പൊടിക്കാത്തത്), കറുവയില
പച്ചമുളക് – 2
ഇഞ്ചി നീളത്തില്‍ അരിഞ്ഞത് – 1 ടേബിള്‍സ്പൂണ്‍
പാൽ – 1 ടേബിള്‍സ്പൂണ്‍
കശുവണ്ടി പേസ്റ്റ് – 2 കപ്പ്
ഉപ്പ് – ആവശ്യത്തിന്
കസൂരി മേത്തി – 1 ടീസ്പൂണ്‍
ഫ്രഷ് ക്രീം – ഒരു ടേബിള്‍സ്പൂണ്‍

പാകം ചെയ്യുന്ന വിധം

∙ഒരു പാത്രത്തില്‍  ചിക്കന്‍, 2 കപ്പ് തൈര്, ഒരു ടേബിള്‍സ്പൂണ്‍ ഇഞ്ചി വെളുത്തുള്ളി പേസ്റ്റ്, ഒരു ടേബിള്‍സ്പൂണ്‍ റോസ്റ്റഡ് ഗരം മസാല,  ഒരു ടീസ്പൂണ്‍ കുരുമുളകുപൊടി, ഒരു ടീസ്പൂണ്‍ ഉപ്പ് എന്നിവ ചേര്‍ത്തിളക്കി 4-5 മണിക്കൂര്‍ ഫ്രിഡ്ജില്‍ വയ്ക്കുക.

∙പാനില്‍ വെള്ളംതിളപ്പിച്ചു അതില്‍ സവാള കഷ്ണങ്ങളാക്കി അരിഞ്ഞത് വേവിച്ചശേഷം മിക്‌സിയില്‍ അരച്ചെടുക്കാം.

∙ മറ്റൊരു പാനില്‍ 50 ഗ്രാം  ബട്ടര്‍, ഒരു ടീസ്പൂണ്‍ നെയ്യ്, ഗരം മസാല, കറുവയില, അരച്ചുവച്ച സവാള എന്നിവ നന്നായി കുറുക്കിയെടുക്കുക. അതിലേക്കു നീളത്തിൽ അരിഞ്ഞ 2 പച്ചമുളക്, ഒരു ടേബിള്‍സ്പൂണ്‍ നീളത്തില്‍ അരിഞ്ഞ ഇഞ്ചി, ഒരു ടേബിള്‍സ്പൂണ്‍ പാല് കുറുക്കിയതും ചേര്‍ത്ത് നന്നായി യോജിപ്പിച്ചശേഷം അതിലേക്ക് 2 കപ്പ് കശുവണ്ടി പേസ്റ്റും ആവശ്യത്തിന് ഉപ്പും വെള്ളവും ചേര്‍ത്ത് ഈ വൈറ്റ് ഗ്രേവി 15 മിനിറ്റ് വേവിക്കുക.

∙മറ്റൊരു പാനില്‍ എണ്ണയൊഴിച്ച് ഫ്രിഡ്ജില്‍ വച്ചിരുന്ന ചിക്കന്‍, തയാറാക്കിവച്ചിരിക്കുന്ന ഗ്രേവിയില്‍ വേവിക്കുക. ഇതിലേക്ക് ഒരു ടീസ്പൂണ്‍ കസൂരി മേത്തിയും ഒരു ടേബിള്‍സ്പൂണ്‍ ഫ്രഷ് ക്രീമും ചേര്‍ത്ത് യോജിപ്പിക്കാം.

chicken in white gravy
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.