ഓണസദ്യയ്ക്കൊരുക്കാം രുചികരമായ മാമ്പഴ പുളിശേരി : വിഡിയോ
Mail This Article
×
പുളിശ്ശേരി ഇല്ലാത്ത ഓണസദ്യയില്ല! മാമ്പഴം ചേർത്ത് പുളിശ്ശേരി തയാറാക്കുന്നത് എങ്ങനെയെന്നു നോക്കിയാലോ? മധുരവും പുളിയും ലയിച്ചു ചേർന്ന ഈ കറി ഓണസദ്യയ്ക്കൊരുക്കാം.
ചേരുവകൾ
- മാങ്ങ – 1
- തേങ്ങ ചിരകിയത് – ½ കപ്പ്
- കടുക് – 2 ടീസ്പൂൺ
- പച്ചമുളക് – 2 എണ്ണം
- കറിവേപ്പില – ആവശ്യത്തിന്
- മുളകുപൊടി – 2 ടീസ്പൂൺ
- മഞ്ഞൾപ്പൊടി – 2 ടീസ്പൂൺ
- തൈര് – 1 കപ്പ്
- ജീരകം – 1 ടീസ്പൂൺ
- ഉപ്പ് – ആവശ്യത്തിന്
തയാറാക്കുന്ന വിധം
∙മാങ്ങാ ചെറിയ കഷണങ്ങളാക്കി മുറിക്കുക. പച്ചമുളകും മുളകുപൊടിയും മഞ്ഞൾപ്പൊടിയും ആവശ്യത്തിന് വെള്ളവും ചേർത്ത് വേവിക്കുക.
∙മിക്സിയുടെ ജാറിൽ തേങ്ങയും ജീരകവും അരച്ചെടുക്കുക.
∙ മാങ്ങാ വെന്തശേഷം തേങ്ങാ അരച്ചത് ഇതിലേക്ക് തേങ്ങാ അരച്ചത് ഇതിലേക്കു ചേർക്കുക. തൈരും ചേർത്ത് ചൂടായിക്കഴിയുമ്പോൾ തീ ഓഫ് ചെയ്യാം.
∙ പാനിൽ എണ്ണ ചൂടാക്കി കടുകും കറിവേപ്പിലയും വറുത്ത് കറിയിലേക്കു ചേർക്കാം. ആവശ്യത്തിന് ഉപ്പും ഇതിലേക്ക് ചേർക്കണം. (ഇവിടെ കടുക് താളിച്ചതിനു ശേഷമാണ് ഉപ്പ് ചേർക്കുന്നത്)
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
