ADVERTISEMENT

അടുക്കള ജോലിയിൽ തിളങ്ങാൻ ചില പൊടിക്കൈകൾ. സമയം നന്നായി പ്രയോജനപ്പെടുത്താൻ അൽപമൊന്നു മനസ്സു വച്ചാൽ കയ്യടക്കത്തോടെ വീട്ടുജോലികൾ പെട്ടെന്ന് രുചികരമായി പാചകം ചെയ്തു തീർക്കാം.

∙ ചോറ്‌ എളുപ്പത്തിൽ വേവിക്കാൻ രാത്രിയിൽ കുതിർത്ത്‌ ഫ്രിജിൽ വയ്ക്കുക. ( ബസ്മതിയല്ല)

∙  തേങ്ങ വറുത്തരക്കുന്നതിന്‌ മുൻപ്‌ മിക്സിയിൽ ഒന്ന് ക്രഷ്‌ ചെയ്യുക, ഒരേ നിറത്തിലും, വേഗത്തിലും വറുത്തെടുക്കാം!

∙  മീൻ കറിയിൽ കല്ലുപ്പ്‌ ഉപയോഗിക്കുക, വൃത്തിയാക്കാൻ കല്ലുപ്പ്‌ ഇട്ട്‌ വഴറ്റണം

∙  മീൻ കറിക്കു താളിക്കുപോൾ കടുകിനോടൊപ്പം അൽപ്പം ഉലുവ കൂടി ചേർക്കുക.

∙  അവിയൽ വയ്ക്കുമ്പോൾ കുറച്ച്‌ ഉണക്ക ചെമ്മീൻ ഇടുക! (മീനവിയൽ) 

∙  അവിയൽ മഞ്ഞൾ ഇടാതെ വെള്ള നിറത്തിലും ചെയ്യാം! രുചി കൂട്ടാൻ കടലയും കശുവണ്ടിയും ചേർക്കാം!

∙  പച്ചക്കറികൾ എല്ലാം പാകം ചെയ്യുന്നതിനു മുൻപ്‌ ഒരു പാത്രത്തിൽ മഞ്ഞൾപൊടിയിട്ട് വെള്ളത്തിൽ വയ്ക്കുക!

∙  മല്ലിപ്പൊടി കടയിൽനിന്നും വാങ്ങാതെ മല്ലി വാങ്ങി ആവശ്യത്തിന്‌ പൊടിച്ച് ഉപയോഗിക്കുക. കറികളുടെ ഗുണവും മണവും കൂടും!

∙  വറുക്കാനുള്ള എണ്ണ വൃത്തിയാക്കാൻ ഒരൽപ്പം വെന്ത ചോർ ഇട്ടു വറുക്കുക, എണ്ണയിലെ അഴുക്കെല്ലാം ചോറിനൊപ്പം വരും!

∙എളുപ്പത്തിൽ ഗ്രേവി ഉണ്ടാക്കാൻ തക്കാളി മൈക്രോവേവ്‌ ചെയ്തതിനു ശേഷം കറിയിൽ ഇടുക! ( സമയക്കുറവുള്ള വീട്ടമ്മമാർക്ക്‌ മാത്രം !)

∙. പാൽ ഉപയോഗിച്ചുള്ള പായസങ്ങളിൽ അൽപ്പം പഞ്ചസാര കാരമലൈസ്‌ ചെയ്തിടുക! 

∙വറുക്കാനുള്ള മീനോ, ചെമ്മീനോ കഴുകിയതിനു ശേഷം ഒരു ടിഷ്യു ഉപയോഗിച്ച് നന്നായി ജലാംശം ഒപ്പിയതിനു ശേഷം മസാലയിടുക നല്ല ക്രിസ്പിയായ്‌ പൊരിച്ചെടുക്കാം!

∙ ഗരംമസാലകൾ മുഴുവനായും ഉപയോഗിക്കുമ്പോൾ ഒരു നേർത്ത തുണിയിൽ കെട്ടിയിട്ടു വഴറ്റുക! വെന്തതിനു ശേഷം കളയുക! കഴിക്കുമ്പോൾ മസാല കടിച്ചു കറിയുടെ രുചി പോകാതെ ആസ്വദിക്കാം!

∙ വറുക്കാനും വഴറ്റാനുമുള്ള പാൻ (നോൺ സ്റ്റിക്ക്‌ അല്ലെങ്കിൽ) പാകം ചെയ്യുന്നതിന് മുൻപ്‌ എണ്ണ ഒഴിച്ചു നന്നായി ചൂടാക്കി എല്ലാ വശങ്ങളിലും എണ്ണ എത്തിച്ചു മിനുസമാക്കുക! ഭക്ഷണം അടിയിൽപിടിക്കാതെ ഉണ്ടാക്കാം.

∙ പപ്പടം വറുത്തതിന്‌ ശേഷം പപ്പടത്തിൽ ചുടോടെ കുറച്ചു ഇഡലി ചട്നി പൊടിയിടുക (Idli Chutney Powder)

∙ മീൻ അച്ചാർ ഉണ്ടാക്കുമ്പോൾ വെള്ളത്തിനുപകരം കുടമ്പുളിയിട്ട വെള്ളമൊഴിക്കുക.

∙ ചെമ്മീൻ ചമ്മന്തിക്ക്‌ പകരം ഉണക്കമീൻ പൊടിയിട്ട് ഉണ്ടാക്കാം.

∙ ചെമ്മീൻ കറിയുണ്ടാക്കുമ്പോൾ ചെമ്മീന്റെ തൊലിയും തലയും എണ്ണയിൽ വഴറ്റി മഞ്ഞളും വെള്ളവുമൊഴിച്ചു തിളപ്പിച്ച്‌ അരിച്ച സ്റ്റോക്ക്‌ കറിയിലേക്ക്‌ ഒഴിക്കുക!

∙ ഇഞ്ചിയും വെളുത്തുള്ളിയും അരയ്ക്കുന്നതിനൊപ്പം കുറച്ച്‌ എണ്ണ ചേർത്ത്‌ അരയ്ക്കുക! നല്ല രുചിക്കു 40:60 എന്ന കണക്കിൽ എടുക്കുക.

∙ വിശപ്പില്ലെന്നു പറയുന്ന കുട്ടികളുടെ മുന്നിലേക്കു വെളിച്ചെണ്ണയിൽ കടുകും ചെമന്നുള്ളിയും കറിവേപ്പിലയും ഉണക്കമുളകും താളിച്ച്‌ അരികെ വയ്ക്കുക! മലയാളിയാണെങ്കിൽ കഴിച്ചിരിക്കും!!!

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com