ഒരുഗ്രൻ കടുക് താളിച്ച ഉള്ളി തക്കാളി പച്ചടി

ഒരുപാട് ജോലിഭാരമില്ലാത്ത  ഒരുഗ്രൻ കടുക് താളിച്ച ഉള്ളി തക്കാളി പച്ചടി..! അധികം കറികളില്ലാത്ത ദിവസം ഇതൊരു മുതൽക്കുട്ടാണ്..! ചള്ളാസിന്റെയും റെയ്ത്തയുടെയും അളിയനായി വരും. തീർച്ചയായും ഒരുവട്ടം പരീക്ഷിക്കുക.

ചേരുവകൾ

• സവാള - 1
• തക്കാളി -1
• പച്ചമുളക് - 2
• കറിവേപ്പില  - ആവശ്യത്തിന്
• ഉപ്പ് – ആവശ്യത്തിന്
• തൈര് – 200 മില്ലി ലിറ്റർ

ഒരു പാത്രത്തിൽ ചേരുവകളെല്ലാം കൈ കൊണ്ട് നന്നായി യോജിപ്പിക്കുക. ഇതിലേക്ക് തൈരും ചേർത്ത് വയ്ക്കാം.

കടുക് വറത്തിടാൻ

• വെളിച്ചെണ്ണ - 30 മില്ലി ലിറ്റർ
• കടുക്  - 5 ഗ്രാം
• ഉളക്കമുളക് - 2
• ഉള്ളി - 3
• കറിവേപ്പില - ആവശ്യത്തിന്
• കായം - 5 ഗ്രാം 

എണ്ണ ചൂടാക്കി കടുക്, ഉണക്കമുളക്, ഉള്ളി, കറിവേപ്പില, കായം എന്നിവ ചേർ‍ത്ത് തയാറാക്കി വച്ചിരിക്കുന്ന കൂട്ടിൽ ചേർത്ത് ഉപയോഗിക്കാം.

English Summary: An easy to make refreshing Pachadi, Humble side dish goes very well with Biriyani or Rice.