അഞ്ചു മിനിറ്റു കൊണ്ട് ചോക്ലേറ്റ് കപ്പ് കേക്ക് രുചിക്കൂട്ടൊരുക്കാം : റിമി ടോമി

ചോക്ളേറ്റ് കപ്പ് കേക്ക് വെറും അഞ്ച് മിനിറ്റുകൊണ്ട് തയാറാക്കുന്ന വിഡിയോയുമായി എത്തിയിരിക്കുകയാണ് റിമി ടോമി.

ആവശ്യമായ ചേരുവകൾ

• മൈദ                        - 150 ഗ്രാം
• കൊക്കോപ്പൊടി         - 35  ഗ്രാം
• വെണ്ണ                      - 90  ഗ്രാം
• ചോക്കോ ചിപ്സ്      - ആവശ്യത്തിന്
• ബേക്കിങ്ങ് പൗഡർ    - 5  ഗ്രാം
• ഷുഗർ പൗഡർ         -150 ഗ്രാം
• മുട്ട   (അടിച്ചത്)        - 2 എണ്ണം 
• പാൽ                      -9 എം.എൽ

തയാറാക്കുന്ന വിധം 

*ഒരു ബൗൾ എടുത്ത് അതിലേക്ക് വെണ്ണ ഇട്ട ശേഷം നന്നായി അടിച്ചെടുക്കുക, അതിലേക്ക്  ഷുഗർ പൗഡർ കുറച്ചു കുറച്ചായി  ചേർത്ത് അടിച്ചുകൊടുത്ത ശേഷം  മുട്ട  കൂടി ചേർത്ത് വീണ്ടും അടിച്ചു കൊടുക്കുക.

അടുത്തതായി മറ്റൊരു ബൗളിലേക്ക് മൈദാപ്പൊടി നന്നായി അരിച്ചെടുത്തത് , കൊക്കോപ്പൊടി , ബേക്കിങ്ങ് പൗഡർ എന്നിവ ചേർത്ത് നന്നായി യോജിപ്പിച്ചെടുത്തശേഷം തയാറാക്കി മാറ്റി വച്ചിട്ടുള്ള ബൗളിലേക്ക് ഇവ  കുറച്ചു കുറച്ചായി ഇട്ട് നന്നായി ഇളക്കിച്ചേർക്കുക. അതിനുശേഷം എടുത്തുവച്ചിട്ടുള്ള പാൽ അൽപാൽപം അതിലേക്ക്  ഒഴിച്ച് ഇളക്കി യോജിപ്പിക്കുക .

അതിനുശേഷം കപ്പ്കേക്ക് പാൻ  (കേക്ക് മഫിൻ) എടുത്ത് അതിൽ വെണ്ണ നന്നായി തേച്ച് പിടിപ്പിക്കുക. അതിലേക്ക് യോജിപ്പിച്ചു വച്ച കപ്പ്കേക്ക്  ബാറ്റർ  ഓരോ ടേബിൾ സ്പൂൺ വീതം ഇട്ട് കൊടുക്കാം . അതിനുമുകളിലായി ചോക്കോചിപ്സ് വിതറാം. അതിനുശേഷം അൽപനേരം അവ്ൻ പ്രീഹീറ്റ് ചെയ്ത് കപ്പ്കേക്ക് പാൻ അവ്നിൽ വച്ച് 20 മിനിറ്റ് നേരം  ബേക്ക് ചെയ്തെടുക്കാം . തയാറായ കപ്പ് കേക്ക് തണുത്തതിന് ശേഷം മറ്റൊരു പ്ലേറ്റിലേക്ക് മാറ്റി കഴിക്കാം.