വെറും മൂന്ന് ചേരുവകൾ മാത്രം; ബിസ്ക്കറ്റുകൊണ്ട് എളുപ്പത്തിൽ ചോക്കോ ബാർ
Mail This Article
മൂന്ന് ചേരുവകൾ മാത്രം, കുട്ടികൾക്കു വരെ 5 മിനിറ്റു കൊണ്ടു തയാറാക്കാം. ചേരുവകൾ എല്ലാം ചേർത്ത് യോജിപ്പിച്ചെടുത്ത് ഫ്രിജിൽ വച്ച് തണുപ്പിച്ചാൽ ഓറിയോ ചോക്കോ ബാർ റെഡി.
ചേരുവകൾ
- ഓറിയോ ബിസ്കറ്റ് - 5- 6 പായ്ക്കറ്റ്
- പാൽ - 1/2 ലിറ്റർ
- മിൽക്ക് മെയ്ഡ് - 4 ടേബിൾ സ്പൂൺ (പകരം പഞ്ചസാര ഉപയോഗിക്കാം)
തയാറാക്കുന്ന വിധം
ആദ്യം ബിസ്ക്കറ്റ് ചെറുതായി ഒന്ന് പൊടിച്ചെടുക്കുക. അതിനു ശേഷം ഒരു ബൗളിൽ അര ലിറ്റർ പാൽ എടുക്കുക. ഇതിലേക്ക് 4 ടേബിൾ സ്പൂൺ മിൽക്ക് മെയ്ഡ് (കണ്ടെൻസ്ഡ് മിൽക്ക് ) ചേർത്ത് നന്നായി ഇളക്കുക. മിൽക്ക് മെയ്ഡ് ഇല്ലെങ്കിൽ രണ്ട് ടേബിൾ സ്പൂൺ പഞ്ചസാര ചേർത്താൽ മതി. ഇനി ബിസ്ക്കറ്റിന്റെ ഓരോ പായ്ക്കറ്റിന്റെയും ഒരു വശം പൊട്ടിച്ച് അതിലേക്ക് ഈ പാൽ ഒഴിച്ചു കൊടുക്കുക. അതിനു ശേഷം ഒരു സ്റ്റിക്ക് ഈ പായ്ക്കറ്റിലേക്ക് ഇറക്കി വയ്ക്കുക. എല്ലാ പായ്ക്കറ്റിലും ഇങ്ങനെ ചെയ്ത് ഒരു കുഴിവുള്ള പാത്രത്തിൽ ഇറക്കി വച്ച് നേരെ ഫ്രീസറിൽ വയ്ക്കുക. ഒരു ദിവസം മുഴുവൻ ഫ്രിജിൽ വയ്ക്കുക. അതിനുശേഷം പായ്ക്കറ്റ് പൊട്ടിച്ചു കളയുക. ചോക്കോ ബാർ റെഡി.
English Summary : Delicious, Easy Oreo Choco bar.