മഷ്റും മസാല രുചികരമായി തയാറാക്കുന്നത് എങ്ങനെയെന്നു നോക്കാം.

ചേരുവകൾ

• കൂൺ –  400 ഗ്രാം
• വെളിച്ചെണ്ണ – 80 മില്ലി
• കടുക് – 1/4 ടീസ്പൂൺ
• ചെറിയ ഉള്ളി – 100 ഗ്രാം
• വെളുത്തുള്ളി – 30 ഗ്രാം
• ചുവന്ന മുളക് –  10 എണ്ണം
• കനം കുറഞ്ഞ തേങ്ങാ കഷ്ണം – 10 എണ്ണം
• കുരുമുളകുപൊടി – 1/4 ടീസ്പൂൺ
• നാരങ്ങാ നീര് – പകുതി 
• പഞ്ചസാര – ഒരു നുള്ള്
• ഉപ്പ് – പാകത്തിന്
• കറിവേപ്പില – 2 എണ്ണം
• മഞ്ഞൾപ്പൊടി – 2 നുള്ള്

പാചകരീതി

1. വെളുത്തുള്ളി, ചുവന്ന മുളക്, ചെറിയ ഉള്ളി എന്നിവ ഒരുമിച്ച് ചതയ്ക്കുക.
2. ഒരു ഫ്രൈയിങ് പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക. ചതച്ച മസാല ചേർത്തു വഴറ്റാം.
3. കൂൺ, മഞ്ഞൾപ്പൊടി, ഉപ്പ് എന്നിവ ചേർക്കുക.
4. കൂൺ ഉണങ്ങുന്നത് വരെ ചെറിയ ചൂടിൽ വേവിക്കുക.
5. ഒരു നുള്ള് പഞ്ചസാര, നാരങ്ങാ നീര്, കുരുമുളകുപൊടി എന്നിവ ചേർത്ത് നന്നായി ഇളക്കി കറിവേപ്പില ഉപയോഗിച്ച് വാങ്ങാം.

English Summary : Tasty Mushroom masala recipe.