sections
MORE

ചിക്കനും മീറ്റും പാകംചെയ്യുന്നതിൽ മാത്രമല്ല, വിളമ്പുന്നതിലും ശ്രദ്ധവേണം!

Chicken Cooking
SHARE

നോൺ വേജിറ്റേറിയൻ ഭക്ഷണപ്രിയരുടെ ഇഷ്‌ടവിഭവങ്ങളാണു ചിക്കനും മീറ്റും. പ്രൊട്ടീനും പോഷകങ്ങളും ഏറെയുണ്ടെങ്കിലും കൊഴുപ്പിന്റെ കാര്യം വരുമ്പോൾ ആരോഗ്യം പിണങ്ങും. രുചി കൂടുന്നതിനൊപ്പം കൊളസ്‌ട്രോൾ നിലയും കൂട്ടുമെന്നതാണ് പൊതുവേ ഈ വിഭവങ്ങൾക്കുള്ള ചീത്തപ്പേര്. പക്ഷേ, നാവിലെ കൊതിയടക്കിപ്പിടിച്ച് ചിക്കനും മീറ്റും വേണ്ടേവേണ്ട എന്ന കടുത്ത നിലപാട് എടുക്കേണ്ടിവരില്ല, ചില കാര്യങ്ങളിൽ ശ്രദ്ധവച്ചാൽ.

. ഇറച്ചിയിൽ കൊഴുപ്പ് അധികമുള്ള ഭാഗങ്ങൾ മാറ്റി ഉപയോഗിക്കുക. ചിക്കന്റെ തൊലി നീക്കണം. കോഴി പൊരിച്ചെടുക്കുന്നതാണെങ്കിൽ തൊലിയോടെ പാചകം ചെയ്‌തതിനുശേഷം തൊലിയും കൊഴുപ്പും നീക്കിയശേഷം കഴിക്കുക. ബീഫ്, പോർക്ക് എന്നിവ പാകംചെയ്‌തശേഷം കാണുന്ന കൊഴുപ്പു മാറ്റിയതിനുശേഷം മാത്രം കഴിക്കാം.

. പാകംചെയ്യുന്നതിനു മുൻപ് ഇറച്ചിയിൽ മസാലയും മറ്റും (സ്‌പൈസസ്) തിരുമ്മിച്ചേർക്കുക. ഇത് ഇറച്ചി മൃദുവാക്കുകയും ഈർപ്പം നൽകുകയും ചെയ്യും. കൊഴുപ്പു നീക്കുന്നതുമൂലമുള്ള രുചിക്കുറവും ഇതുവഴി പരിഹരിക്കാം. കൊഴുപ്പു കുറഞ്ഞ സുഗന്ധദ്രവ്യങ്ങൾ ഉപയോഗിക്കുക. ഇതിനായി വൈൻ, സോയ സോസ്, നാരങ്ങനീര് എന്നിവ ചേർക്കാം.

. ഗ്രില്ലിങ്, ബ്രോയിൽ, റോസ്‌റ്റിങ്, ബേക്കിങ് തുടങ്ങി സാവധാനത്തിലുള്ള പാചകരീതി തിരഞ്ഞെടുക്കണം. പാകംചെയ്യുന്നതുവഴി ഇറച്ചിയിലുള്ള കൊഴുപ്പിന്റെ ഏറെ ഭാഗവും നീക്കാനാകും. അവ്‌നിൽ പാകംചെയ്യുമ്പോൾ റാക്കിലോ ബേക്കിങ് പാനിലോ വയ്‌ക്കുകയാണെങ്കിൽ കൊഴുപ്പു പൂർണമായി നീക്കാനാകും.

. ഇറച്ചിക്കറി പാകംചെയ്യുന്നതിന് ഒന്നോ രണ്ടോ ദിവസം മുൻപ് അതുപയോഗിച്ചു സൂപ്പ്, സ്‌റ്റു തുടങ്ങിയ ആഹാരസാധനങ്ങൾ തയാറാക്കുക. ഇങ്ങനെ വേവിച്ച ഇറച്ചി ഫ്രീസറിൽ വയ്‌ക്കുക. ഫ്രീസ് ചെയ്‌ത ഇറച്ചിയിൽ കൊഴുപ്പിന്റെ അംശം കൂടുതൽ ദൃഢമാകുന്നതിനാൽ ഇതു മുറിച്ചുനീക്കി പാകംചെയ്‌ത് ഉപയോഗിക്കാം.

. ഇറച്ചി വേവിച്ചശേഷം പാത്രത്തിൽനിന്നു കൊഴുപ്പടിഞ്ഞ ദ്രാവകം ഊറ്റിക്കളയുക. ചൂടുവെള്ളത്തിൽ ഒന്നുകൂടി കഴുകിയശേഷം തുണിയോ കടലാസോ ഉപയോഗിച്ചു വെള്ളം നീക്കി ഉപയോഗിക്കാം.

. പാകംചെയ്യുന്നതിൽ മാത്രമല്ല, വിളമ്പുന്നതിലും ശ്രദ്ധവയ്‌ക്കണം. അളവു കുറച്ചു വിളമ്പുക. 85 ഗ്രാമിൽ അധികം ഇറച്ചി കഴിക്കേണ്ട. തൊലി നീക്കിയ കോഴിയുടെ രണ്ടു ലെഗ് പീസാണെങ്കിൽ അതിലേറെ കഴിക്കേണ്ട.

English Summary: Chicken, Meat Cooking Tips

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FEATURES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA