പരിപ്പും കപ്പയും...എലിസബത്ത് വാറന്റെ പ്രിയപ്പെട്ട ഇന്ത്യൻ ഭക്ഷണത്തെക്കുറിച്ച് ചർച്ച മുറുകുന്നു!

‘വലിയ കപ്പ പോലെയുള്ള ഭക്ഷണപദാർഥം, ദാൽ കറിയോടൊപ്പമാണ് അത് വിളമ്പുന്നത്’– ഏറ്റവും പ്രിയപ്പെട്ട ഇന്ത്യൻ ഭക്ഷണമേത് എന്ന ചോദ്യത്തിനു മുതിർന്ന ഡെമോക്രാറ്റ് നേതാവും യുഎസ് സെനറ്ററുമായ എലിസബത്ത് വാറന്റെ മറുപടി. 

യുഎസ്സിൽ സംഘടിപ്പിച്ച ഒരു ഫോറത്തിലുയർന്ന വാറന്റെ മറുപടി സമൂഹമാധ്യമ ചർച്ചകൾക്ക് വഴിയൊരുക്കി. ബൂൻദി റൈത്ത, ഇഡലി, ഖീർ തുടങ്ങിയവയാകാം വാറൻ ഉദ്ദേശിച്ചതെന്ന് പലരും പറഞ്ഞപ്പോൾ അമേരിക്കയിലെ പ്രശസ്ത അഭിഭാഷകൻ മാക്സ് കെന്നർലിയുടെ അഭിപ്രായം കേരള ശൈലിയിൽ തയാറാക്കിയ കപ്പപ്പുഴുക്ക് ആയിരിക്കാമെന്നാണ്.

വാറന്റെ മകൾ അമേലിയ വിവാഹം കഴിച്ചിരിക്കുന്നത് ഇന്ത്യക്കാരനായ സുശീൽ ത്യാഗിയെയാണ്.

English Summary: Elizabeth Warren on her food habits