തുളസിക്കതിർ നുള്ളിയെടുത്ത്, ചൂടുള്ള കട്ടൻകാപ്പി; വിഡിയോയുമായി പാർവ്വതി

കട്ടൻകാപ്പി അയ്‌നാണ് എന്ന കുറിപ്പോടെ ഹെൽത്തി കാപ്പിയുമായി സിനിമാ താരം പർവ്വതി. തുളസിക്കതിരും മഞ്ഞൾപ്പൊടിയും ചേർത്ത സ്പെഷൽ കട്ടൻ കാപ്പി വിഡിയോ ചിത്രികരിച്ചിരിക്കുന്നത് പാർവ്വതി തിരുവോത്താണ്. ലിറ്റിൽ ബിഗ് തിങ്സ്, ചിങ്ങം എന്നീ ഹാഷ് ടാഗുകളോടെയാണ് വിഡിയോ സമൂഹമാധ്യമങ്ങളിൽ പങ്കുവച്ചത്. തുളസിയില പറിച്ചെടുത്ത് പാർവ്വതിയും കാപ്പി തയാറാക്കുന്നത് അച്ഛനുമാണ്.

പഞ്ചസാര തീരാറായ പാത്രവും കൈപ്പിടി പൊട്ടിയ കാപ്പിപാത്രവും കാഴ്ചക്കാർ രസകരമായ കമന്റുകളാക്കി പാർവ്വതിയുടെ ശ്രദ്ധയിൽ പെടുത്തിയിട്ടുണ്ട്.