തണ്ണിമത്തന്‍റെ വിത്ത് അറിയാതെ കഴിച്ചുപോയാല്‍ എന്ത് സംഭവിക്കും?

പഴങ്ങളുടെ കുരു കഴിച്ചു പോയാല്‍ അവ വയറ്റില്‍ കിടന്നു ചെടിയായി വളരുമെന്ന് കുട്ടിക്കാലത്തെ കഥകളില്‍ കേട്ടത് ഓര്‍മ്മയുണ്ടോ? ഇത് നടക്കുന്ന കാര്യമല്ലെന്ന് മുതിരുമ്പോള്‍ നമ്മള്‍ മനസ്സിലാക്കും. എന്നിരുന്നാലും, എപ്പോഴെങ്കിലും ചിന്തിച്ചിട്ടുണ്ടോ തണ്ണിമത്തനൊക്കെ കഴിക്കുമ്പോള്‍, കുരു അറിയാതെ വിഴുങ്ങിപ്പോയാല്‍ എന്ത് സംഭവിക്കുമെന്ന്?

തേങ്ങ വറുക്കാന്‍ ഇനി പാടാണെന്ന് പറയരുത്, നിമിഷ നേരം കൊണ്ട് ചെയ്യാനിതാ ഒരു എളുപ്പവഴി

വാസതവത്തില്‍,തണ്ണിമത്തൻ വിത്തുകൾ കഴിക്കുന്നത് സുരക്ഷിതമാണ്. അവയ്ക്ക് നിരവധി പോഷക ഗുണങ്ങളുണ്ട്.  പ്രോട്ടീനുകൾ, ആരോഗ്യകരമായ കൊഴുപ്പുകൾ, മഗ്നീഷ്യം, ഇരുമ്പ്, സിങ്ക് തുടങ്ങിയ അവശ്യ ധാതുക്കൾ എന്നിവ അവയില്‍ ധാരാളം അടങ്ങിയിട്ടുണ്ട്. കൂടാതെ, തണ്ണിമത്തൻ വിത്തുകളിൽ നാരുകൾ അടങ്ങിയിട്ടുണ്ട്, ഇത് ദഹനത്തെ സഹായിക്കുന്നു.

തണ്ണിമത്തൻ വിത്തുകൾ കഴിക്കുന്നത് സുരക്ഷിതമാണെങ്കിലും, വിഴുങ്ങുന്നതിന് മുമ്പ് അവ നന്നായി ചവച്ചരക്കേണ്ടത് പ്രധാനമാണ്. ചവയ്ക്കുന്നത് മൂലം വിത്തിന്‍റെ കട്ടിയുള്ള പുറംതോട് പോകും, ഇത് ദഹനം എളുപ്പമാക്കുന്നു. ദഹിക്കാത്ത തണ്ണിമത്തൻ വിത്തുകളാകട്ടെ,  മലത്തിലൂടെ പുറന്തള്ളപ്പെടും. എന്നാല്‍, അപൂർവ സന്ദർഭങ്ങളിൽ, തണ്ണിമത്തൻ വിത്തുകൾ കഴിച്ചാല്‍ ചിലര്‍ക്ക് അസ്വസ്ഥത അനുഭവപ്പെടാം. ദഹനനാളത്തിൽ വിത്ത് എത്തുമ്പോള്‍ അസ്വാസ്ഥ്യത്തിന് കാരണമാകാം. തണ്ണിമത്തൻ വിത്ത് കഴിച്ചതിന് ശേഷം  അസ്വസ്ഥത അനുഭവപ്പെടുന്നുണ്ടെങ്കിൽ, ധാരാളം വെള്ളം കുടിക്കുന്നത് ഗുണം ചെയ്യും.

English Summary: What Happens To You When You Accidentally Eat Watermelon Seed