പോഷക സമൃദ്ധമായ സാലഡുകൾ ഏവർക്കും ഇഷ്ടപ്പെടും. ഗ്രീൻ സാലഡ് എങ്ങനെ തയാറാക്കാമെന്ന് നോക്കാം. പലതരം പച്ചക്കറികൾ ഊണുമേശയിൽ പലഭാവത്തിൽ നിറയട്ടെ.
01. മല്ലിയില — അരക്കപ്പ്
പുതിനയില — കാൽ കപ്പ്
പച്ചമുളക് അരി കളഞ്ഞത് — രണ്ട്
ഇന്തുപ്പ് — പാകത്തിന്
നാരങ്ങാനീര് അല്ലെങ്കിൽ പൈനാപ്പിൾ ജ്യൂസ് — അര ചെറിയ സ്പൂൺ
ഒലിവ് ഓയിൽ — അര ചെറിയ സ്പൂൺ
02. കാപ്സിക്കം (ചെറിയ കഷണങ്ങളാക്കിയത്) — ഒന്ന്
ആപ്പിൾ (ചെറിയ കഷണങ്ങളാക്കി, നാരങ്ങാനീരു പുരട്ടി വച്ചത്) — ഒന്ന്
ലെറ്റൂസ് ഇല (ചെറിയ കഷണങ്ങളായി പിച്ചിക്കീറിയത്) — ഒന്ന്
കാരറ്റ് (ഗ്രേറ്റു ചെയ്തത്) — ഒന്ന്
ഉലുവ മുളപ്പിച്ചത് — ഒരു ചെറിയ സ്പൂൺ
പാകം ചെയ്യുന്ന വിധം
01. ഒന്നാമത്തെ ചേരുവ മിക്സിയിൽ മയത്തിൽ അരച്ച ശേഷം ഫ്രിഡ്ജിൽ വയ്ക്കുക(മയോണീസിനു പകരം ഈ ഹെൽത്തി സാലഡ് ഡ്രസ്സിങ് ഉപയോഗിക്കാം. ഫ്രിഡ്ജിൽ വച്ചിരുന്നാൽ രണ്ടു മൂന്നു ദിവസം കേടുകൂടാതിരിക്കും).
02. ഇനി രണ്ടാമത്തെ ചേരുവ ബൗളിലാക്കി അതിലേക്ക് അര വലിയ സ്പൂൺ സാലഡ് ഡ്രസ്സിങ് ചേർത്ത് കുടഞ്ഞ് യോജിപ്പിക്കുക. കൊളസ്ട്രോൾ കുറയ്ക്കുന്ന ഘടകങ്ങൾ
ഉലുവ — സൊലുബിൻ ഫൈബർ, ട്രൈഗൊണെല്ല
ഒലിവ് ഓയിൽ — MUFA (Mono Unsaturated Fatty Acids)
