Manoramaonline.com no longer supports Internet Explorer 8 or earlier. Please upgrade your browser.  Learn more »

തൊട്ടുമധുരിക്കാൻ പാലട പ്രഥമൻ

paladaprathaman-onam

സദ്യവട്ടങ്ങളിൽ വിഭവമെത്രയുണ്ടെങ്കിലും ഒടുവിൽ തൊട്ടുമധുരിക്കാൻ പാലടയുണ്ടെങ്കിൽ പിന്നെ എന്തു വേണം.

1. ഉണക്കലരി – 250 ഗ്രാം
2. വെളിച്ചെണ്ണ – രണ്ടു െചറിയ സ്പൂൺ
പഞ്ചസാര – രണ്ടു െചറിയ സ്പൂൺ
3. പാൽ – മൂന്നു ലീറ്റർ
പഞ്ചസാര – 750 ഗ്രാം

പാകം െചയ്യുന്ന വിധം 

∙ ഉണക്കലരി കഴുകി വൃത്തിയാക്കി വെള്ളത്തിലിട്ടു കുതിർത്തശേഷം നല്ല മയത്തിൽ അരയ്ക്കണം.
∙ ഇതിൽ വെളിച്ചെണ്ണയും പഞ്ചസാരയും േചർത്തു നന്നായി യോജിപ്പിക്കുക.
∙ ഇതിൽ പാകത്തിനു വെള്ളം ചേർത്തു കയ്യിൽ കോരിയെടുക്കാവുന്ന പാകത്തിനു കലക്കി വയ്ക്കുക.
∙ വലിയ ഒരു ചരുവത്തിൽ വെള്ളം തിളപ്പിക്കുക.
∙ വാഴയിലയുടെ നടുവിലെ നാരു കളഞ്ഞ് ഇരുവശവും ചീന്തിയെടുത്തു നീളത്തിൽ വയ്ക്കണം. നാരു കീറിയെടുത്തതു തിളയ്ക്കുന്ന വെള്ളത്തിലിട്ടു വയ്ക്കുക. കെട്ടാൻ പാകത്തിനു വഴങ്ങാനാണ് വെള്ളത്തിലിടുന്നത്.
∙ ഇനി അരച്ചു വച്ചിരിക്കുന്ന മാവ് കയ്യിൽ കോരിയെടുത്ത് ഇലയിൽ കുറുകെയും നെടുകെയും ഒഴിക്കുക. മാവ് അണിയുക എന്നാണിതിനു പറയുന്നത്.
∙ ഓരോ ഇലയും താഴെ നിന്നു മുകളിലേക്കു ചുരുട്ടുക. മൂന്നു ചുരുളുകൾ ഒരുമിച്ചു െകട്ടി തിളച്ചുകൊണ്ടിരിക്കുന്ന വെള്ളത്തിലിട്ടു നന്നായി മുക്കിയിടണം.
∙ 30–40 മിനിറ്റ് തിളച്ചു കഴിയുമ്പോൾ തീ അണയ്ക്കുക. ഇലക്കെട്ടുകൾ വെള്ളത്തിൽ താഴ്ന്നു കിടക്കുന്നതു കാണാം. ഇലയുടെ നിറവും മാറിയിട്ടുണ്ടാവും.
∙ ചൂടാറിയ ശേഷം ഇലക്കെട്ടുകൾ തണുത്ത വെള്ളത്തിലിടുക. രണ്ടു മൂന്നു തവണ വെള്ളം മാറ്റണം.
∙ പിന്നീട് ഇലയുടെ കെട്ടഴിച്ച് ചുരുൾ നിവർത്തുമ്പോൾ അട ഇലയിൽനിന്നു വിട്ടു വെള്ളത്തിലേക്കു വീഴും. ഇങ്ങനെ വിട്ടുവരാൻ വേണ്ടിയാണ് മാവിൽ വെളിച്ചെണ്ണ ചേർക്കുന്നത്.
∙ ഈ അടയും കഴുകിയെടുത്തു വെള്ളത്തിലിടുക.
∙ ഒരു വലിയ പാത്രത്തിനു മുകളിൽ െചറിയ കള്ളികളുള്ള വല (അടവല) വച്ച് വെള്ളത്തിലിട്ടിരിക്കുന്ന അട അതിലേക്കു കോരിയിട്ട് കൈ കൊണ്ട് അമർത്തുക.
∙ അട െചറിയ കഷ്ണങ്ങളായി പാത്രത്തിലേക്കു വീഴും. ഇങ്ങനെ വീഴുന്ന അട മൂന്നു നാലു പ്രാവശ്യം കഴുകണം. വെള്ളം തെളിയുന്നതാണ് പാകം. ഇത് അരിപ്പയിലാക്കി വയ്ക്കുക. വെള്ളം മുഴുൻ വാർന്നു പോകണം.
∙ വലിയ ഉരുളിയിൽ പാൽ ഒഴിച്ചു തിളപ്പിക്കുക.
∙ പഞ്ചസാരയും േചർത്തിളക്കി തിളപ്പിച്ചു വറ്റിക്കുക.
∙ പാൽ നന്നായി വറ്റി ഇളം പിങ്കുനിറം വരുമ്പോൾ ഊറ്റിവച്ചിരിക്കുന്ന അട ചേർത്തു നന്നായി തിളപ്പിച്ചു വറ്റിച്ചെടുക്കുക.
∙ പാലട തയാർ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.