Manoramaonline.com no longer supports Internet Explorer 8 or earlier. Please upgrade your browser.  Learn more »

ഇഡ്ഡലിയും ദോശയും തയാറാക്കുമ്പോൾ ശ്രദ്ധിക്കാൻ...

Food

ആരോഗ്യകരമായ പ്രഭാത ഭക്ഷണമാണ് ഇഡ്ഡലിയും ദോശയും. മാവ് തയ്യാറക്കി വച്ചിരുന്നാൽ എളുപ്പത്തിൽ തയ്യാറാക്കാവുന്നത്. കുട്ടികൾക്ക് വേണ്ടി ചില പൊടിക്കൈകൾ കൂടി ചേർത്താൽ പുതുമയോടെ ചുട്ടെടുക്കാം.

∙ ഇഡ്ഡലിയ്ക്ക് അരയ്ക്കുന്ന കൂട്ടിനൊപ്പം ഒരു കപ്പ് അവൽ കൂടി ചേർക്കുക നല്ല മൃദുവായ ഇഡ്ഡലി ലഭിക്കും.

∙ ഇഡ്ഡലി മാവിൽ വെള്ളം കൂടിപ്പോയാൽ വിഷമിക്കേണ്ട ഒരു വലിയ സ്പൂൺ റൊട്ടിപ്പൊടി അല്ലെങ്കിൽ ഒരു ചെറിയ സ്പൂൺ കോൺഫ്ളവർ കാൽ കപ്പു വെള്ളത്തിൽ കലക്കി മാവിൽ ചേർത്തു തുടരെയിളക്കുക.

∙ ഇഡ്ഡലിക്ക് അരയ്ക്കുന്ന മാവിൽ അൽപം ഇഞ്ചിയും പച്ചമുളകും അരച്ചു ചേർക്കുക. രുചി കൂടും.

∙ ദോശ ചുടുമ്പോൾ ഒരു വലിയ ദോശ ചുടുന്നതിനു പകരം കുഞ്ഞി കുഞ്ഞി ദോശകൾ ചുടുക. അതിനു മീതെ ചട്നി വച്ചു മറ്റൊരു കുഞ്ഞിദോശ കൊണ്ടു മൂടി ദോശ സാൻഡ്വിച്ച് വിളമ്പാം.

∙ കട്‌ലറ്റും മീനും മറ്റും മുക്കിപ്പൊരിക്കുമ്പോൾ റൊട്ടിപ്പൊടിക്കു പകരം തരുതരുപ്പായി പൊടിച്ച് കോൺഫ്ളേക്ക്സ് ഉപയോഗിക്കുക. കൂടുതൽ രുചിയും ഭംഗിയുമുണ്ടാകും.

∙ സമോസ ഉണ്ടാക്കാനുള്ള മാവു കുഴയ്ക്കുമ്പോൾ അൽപം കോൺഫ്ളവർ ചേർത്താൽ നന്നായി മൊരിഞ്ഞു കിട്ടും.

∙ ഇഡ്ഡലിക്കും ദോശയ്ക്കും അരയ്ക്കാനുള്ള അരിയും ഉഴുന്നും നന്നായി കഴുകിയ ശേഷം കുതിർക്കുക. കുതിർത്ത അതേ വെള്ളത്തിൽ തന്നെ അരച്ചെടുക്കണം. ഇഡ്ഡലിക്കു മയം ഉണ്ടാകുമെന്നു മാത്രമല്ല, ജീവകങ്ങൾ ഒന്നും നഷ്ടപ്പെടുകയില്ല.

∙ വട ഉണ്ടാക്കുമ്പോൾ, മാവിൽ വെള്ളം കൂടിപ്പോയാൽ എണ്ണയിൽ കിടന്നു പൊട്ടിത്തെറിക്കും. അതിനാൽ വെള്ളം കൂടിപ്പോയ മാവിൽ, ഒരു വലിയ സ്പൂൺ നെയ്യ് ചേർത്ത ശേഷം വട തയാറാക്കുക.

∙ ദോശ ചെറിയ വട്ടത്തിൽ മൊരിച്ചെടുത്ത ശേഷം ഉള്ളിൽ ഫില്ലിങ് വച്ചു വിളമ്പാം.

∙ പൂരിക്കു കുഴയ്ക്കുന്ന മാവിൽ ഓരോ ചെറിയ സ്പൂൺ വീതം റവയും അരിപ്പൊടിയും ചേർത്താൽ പൂരിക്കു നല്ല കരുകരുപ്പുണ്ടാകും.

∙ വെണ്ടയ്ക്ക വഴറ്റുന്നതിനൊപ്പം അൽപം നാരങ്ങാ നീരു ചേർത്താൽ നല്ല കരുകരുപ്പുണ്ടാകും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.