sections
MORE

കുക്കർ പുഡ്ഡിങ്, രുചിയിൽ കേമം

SHARE

ക്രിസ്മസിന് രുചികരമായ പുഡിഡിങ് രുചി കുക്കറിൽ തയാറാക്കിയാലോ?. ഡ്രൈ ഫ്രൂട്ട്സിന്റെ രുചിയും മധുരവും ചേരുന്ന ക്രിസ്മസ് രുചിക്കൂട്ട് എളുപ്പത്തിൽ തയാറാക്കാം.

ചേരുവകൾ

ബ്രഡ് പൊടിച്ചത് – 250 ഗ്രാം
ചൂടു പാൽ – 1 കപ്പ്
പഞ്ചസാര പൊടിച്ചത് – 250 ഗ്രാം
മുട്ട – 4
ബട്ടർ – 250 ഗ്രാം
ബ്രാൻഡി – അര കപ്പ്
ജാതിക്കപൊടിച്ചത് – ഒരു നുള്ള്
പഞ്ചസാര ഉരുക്കിയത് – 1 കപ്പ് പഞ്ചസാര 1 കപ്പ് ചൂട് വെള്ളം ചേർത്തത്
ഡ്രൈ ഫ്രൂട്ട്സ് – 500 ഗ്രാം (ഉണക്കമുന്തിരി, ഈന്തപ്പഴം, കുരുവില്ലാത്ത ഉണക്കമുന്തിരി, ഓറഞ്ച് തൊലി)

Cooker Pudding

തയാറാക്കുന്ന വിധം

∙ ബ്രഡ് പൊടിച്ചത് ചൂടുപാലിൽ കുതിർത്തു വയ്ക്കുക.

∙മുട്ടയുടെ മഞ്ഞക്കരു നന്നായി പതപ്പിച്ച് അടിച്ചെടുക്കുക.

∙ബ്രഡ് പൊടി നന്നായി കുതിർന്ന ശേഷം അതിലേക്ക് ബട്ടർ ചേർത്തുകൊടുക്കാം. ഇതിലേക്കു പഞ്ചസാര ഉരുക്കിയതും ഡ്രൈഫ്രൂട്ട്സും ചേർക്കണം. അവസാനം ഈ കൂട്ടിലേക്ക് ബ്രാൻഡി ചേർത്ത് യോജിപ്പിച്ചെടുക്കാം.

∙ ഒരു ബൗളിൽ മുട്ട വെള്ള പതപ്പിച്ച് അടിച്ചെടുക്കണം. ഈ കൂട്ട് പതയിറങ്ങിപോകാതെ പുഡിങ് കൂട്ടിലേക്ക് ഒരു വശത്തേയ്ക്ക് ഇളക്കി യോജിപ്പിക്കണം.‌‌

∙ബട്ടർ പുരട്ടി വച്ചിരിക്കുന്ന മോൾഡിൽ പുഡിങ് കൂട്ട് ഒഴിച്ച് പ്രഷർകുക്കറിൽ അലുമിനിയം ഫോയിൽ വച്ച് മൂടി അരമണിക്കൂർ ആവികയറ്റിയാൽ പുഡിങ് റെഡി (കുക്കറിന് വിസിൽ ഇടരുത്).

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MRS K M MATHEW'S RECIPES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA