Manoramaonline.com no longer supports Internet Explorer 8 or earlier. Please upgrade your browser.  Learn more »

കറുമുറെത്തിന്നാം പൊട്ടിയപ്പം

വി. മിത്രൻ
pottiyappam

കച്ചോടം പൊട്ടിയപ്പം വട്ടായിപ്പോയീ... എന്ന പാട്ടുപാടാത്ത മലയാളികളില്ല. പൊട്ടിയപ്പം എന്ന വാക്കു ശ്രദ്ധിച്ചോ? പരാജയപ്പെട്ടപ്പോൾ എന്നാണു പാട്ടിലെ അർഥം. എന്തുതോൽവിയാണ് ഭായ്... എന്ന് ചോദിക്കുന്ന അതേ സംഗതി.

പക്ഷേ, ആ പേരിലൊരു പലഹാരമുണ്ട്, മലബാറിൽ! പൊട്ടിയപ്പം, ആഹാ ഒരു പലഹാരത്തിനിടാൻ പറ്റിയ നല്ല പേര്.

ഇതുമൊരു നോമ്പുകാല വിഭവമായി മേശപ്പുറത്ത് എത്താറുണ്ട്. എന്നാൽ നാലുമണിച്ചായയ്ക്കൊപ്പം കഴിക്കാവുന്ന വിഭവമായാണു കണക്കാക്കുന്നത്. മൈദയിലുണ്ടാക്കുന്ന ഈ വിഭവം ചതുരാകൃതിയിലാണ്. കറുമുറെ കടിച്ചുതിന്നാം. മധുരം വേണ്ടവർക്കു മധുരവും എരിവു വേണ്ടവർക്ക് എരിവും ചേർത്തുണ്ടാക്കാം.

പൊട്ടില്ല, പൊട്ടിയപ്പം 

2 കപ്പ് മൈദ, കാൽ ടീസ്പൂൺ ബേക്കിങ് പൗഡർ, ഉപ്പ്, എള്ള് എന്നിവ മിക്സ് ചെയ്തെടുക്കുക. ഒരു മുട്ടയും വെള്ളവും ചേർത്തു നന്നായി ഇളക്കുക. ചപ്പാത്തി മാവുണ്ടാക്കുന്നതു പോലെ കുഴച്ചെടുത്ത് 2 മണിക്കൂർ വയ്ക്കണം. ഇതു പരത്തി ചെറിയ ചതുരങ്ങളായി മുറിച്ച് എണ്ണയിൽ ഡീപ് ഫ്രൈ ചെയ്തെടുക്കാം. ഇതു പഞ്ചസാരപ്പാനിയിലോ ശർക്കരപ്പാനിയിലോ വിളയിച്ചെടുക്കാം. എരിവു വേണമെങ്കിൽ‍ മാവു കുഴയ്ക്കുമ്പോൾ കുറച്ചു മുളകുപൊടി ചേർക്കാം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.