നല്ല നാടൻ കപ്പകൊണ്ടൊരു അടിപൊളി സൂപ്പ് റെഡിയാക്കിയാലോ?
1. നാടന്‍ കപ്പ - 300 ഗ്രാം
2. ചിക്കൻ സ്റ്റോക്ക് – 2 പീസ്
3. ഇഞ്ചി വെളുത്തുള്ളി പൊടിയായി അരിഞ്ഞത് – 2 ടീസ്പൂൺ
4. സവോള ഒരു വലുത് പൊടിയായി അരിഞ്ഞത്
5. ചിക്കൻ ബ്രസ്റ്റ് – 100 ഗ്രം (ചെറിയ ചതുര കഷണങ്ങളാക്കിയത്)
6. കറിവേപ്പില അരിഞ്ഞത് – അവശ്യത്തിന്
7. കടുക് ഒരു നുള്ള്
8. ചെറിയ ഉള്ളി 25 ഗ്രാം
9. ഗരംമസാല – അര ടീസ്പൂൺ
10. മഞ്ഞള്‍പ്പൊടി – അര ടീസ്പൂൺ
11. മല്ലിപൊടി – അര ടീസ്പൂൺ
തയാറാക്കുന്ന വിധം
∙ കപ്പ തൊലി കളഞ്ഞു നന്നായി തിളപ്പിച്ചെടുക്കുക. ഒരു പാത്രത്തില്‍ അല്‍പ്പം ബട്ടര്‍ അല്ലെങ്കിൽ സണ്‍ ഫ്ലവേര്‍ ഓയില്‍ ഒഴിച് 3,4,5 ചേരുവകള്‍ ചേര്‍ത്തു നന്നായി വഴറ്റുക.
∙ ഈ ചേരുവകള്‍ നന്നായി ഗോൾഡൻ കളർ ആകുമ്പോൾ 9,10,11 ചേരുവകള്‍ ചേര്‍ക്കുക.
∙ആവശ്യത്തിനു വെള്ളം ഒഴിക്കുക, തിളയ്ക്കുന്ന പരുവത്തില്‍ ചിക്കന്‍ സ്റ്റോക്കും നേരത്തെ തയാര്‍ ചെയ്ത കപ്പയും ചേര്‍ത്തു നന്നായി യോജിപ്പിക്കുക.
∙ ഒരു ചെറിയ ഫ്രൈയിംഗ് പാനില്‍ അല്‍പ്പം ഓയില്‍ ഒഴിച്ച് 6 ,7 ,8 ചേരുവകള്‍ ചേര്‍ത്തു താളിക്കുക
NB: കുറച്ചു കപ്പ ചതുരക്കഷണങ്ങൾ ആക്കിയത് സൂപ്പിന് മീതെ ഇടാം.
