Manoramaonline.com no longer supports Internet Explorer 8 or earlier. Please upgrade your browser.  Learn more »

രുചികരമായ അപ്പവും മുട്ടക്കറിയും

ലിസ ജോജി
Appam Egg Curry

പാലപ്പം മുട്ടക്കറി മസാലയിൽ പൊതിഞ്ഞത്...നാവിൽ വെള്ളം വരുന്നൊരു രുചിക്കൂട്ടാണ് അപ്പവും മുട്ടയും. മൃദുലമായ പാൽ അപ്പവും മുട്ടക്കറിയുടെ മസാലരുചിയും നാടൻ രുചികളിൽ ഒന്നാമതാണ്.

അപ്പം ചേരുവകൾ

അരി – 2 കപ്പ്
ചോറ് – 1 കപ്പ്
തേങ്ങ ചിരകിയത് – 1 കപ്പ്
യീസ്റ്റ് – അര ടീസ്പൂൺ
പഞ്ചസാര – 2 ടീസ്പൂൺ
ചെറിയ ചൂടുവെള്ളം – 1 ടേബിൾ സ്പൂൺ
ഉപ്പ്
തേങ്ങാപ്പാൽ – 1 കപ്പ്
പഞ്ചസാര – 5 ടേബിൾ സ്പൂൺ

അപ്പം തയാറാക്കുന്ന വിധം

നാലു മണിക്കൂർ അരി വെള്ളത്തിൽ കുതിർത്ത ശേഷം നന്നായി അരച്ചെടുക്കണം, തേങ്ങചിരണ്ടിയതും ചോറും ഇതിലേക്ക് ചേർത്ത് അരച്ചെടുക്കാം. ഈസ്റ്റ്, പഞ്ചസാര, ചെറു ചൂടുവെള്ളവും ഈ കൂട്ടിലേക്ക് ചേർത്ത് യോജിപ്പിക്കാം. എട്ട് മണിക്കൂറിനു ശേഷം ആവശ്യത്തിന് ഉപ്പും പഞ്ചസാരയും തേങ്ങാപ്പാലും ചേർത്ത് അപ്പം തയാറാക്കാം.

മുട്ടക്കറി ചേരുവകൾ

പുഴുങ്ങിയ മുട്ട – 6
എണ്ണ– 4 ടേബിൾ സ്പൂൺ
കറിവേപ്പില
സവോള ചെറുതായി അരിഞ്ഞത് – 6
കാശ്മീരി മുളകുപൊടി – 2 ടേബിൾ സ്പൂൺ
ഉപ്പ് – ആവശ്യത്തിന്
തേങ്ങാപ്പാൽ – അര ലിറ്റർ

മുട്ടക്കറി തയാറാക്കുന്നത്

വെളിച്ചെണ്ണയിൽ സവോള നന്നായി വഴറ്റി എടുക്കുക. സവോള ഗോൾഡൻ നിറമാകുമ്പോൾ മുളകുപൊടു ചേർത്ത് നന്നായി ഇളക്കാം. കറിവേപ്പിലയും ഉപ്പും ഈ കൂട്ടിലേക്ക് ചേർക്കാം, തേങ്ങാപ്പാലും ചേർത്തു തീ കുറച്ച് ചാറു കുറുക്കിയെടുക്കാം.ഇതിലേക്ക് പുഴുങ്ങി വച്ചിരിക്കുന്ന മുട്ടയും ചേർത്ത് അപ്പത്തിനൊപ്പം കഴിയ്ക്കാം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.