Manoramaonline.com no longer supports Internet Explorer 8 or earlier. Please upgrade your browser.  Learn more »

കുട്ടികൾക്കിഷ്ടപ്പെടുന്ന പനീർ ബീറ്റ്റൂട്ട് കട്​ലറ്റ്

മഞ്ജുള പ്രകാശ്
പനീർ ബീറ്റ്റൂട്ട് കട്​ലറ്റ്

എളുപ്പത്തിൽ ഉണ്ടാക്കാവുന്നതും ഒരെണ്ണം കഴിച്ചാൽ വയറു നിറയുന്നതുമായ പനീർ ബീറ്റ്റൂട്ട് കട്​ലറ്റ് . ലഞ്ച് ബോക്സ്‌ നിറയ്ക്കാൻ ഉത്തമം. മിൻറ് ചട്ണി, തക്കാളി സോസ് , മധുര ചട്ണികൾ തുടങ്ങിയവയും ഇതിനൊപ്പം ചേർത്ത് ഉപയോഗിക്കാം.

ചേരുവകൾ :

എണ്ണ - 1ടേബിൾ സ്പൂൺ
ഇഞ്ചി ചതച്ചത് - 1 ടീ സ്പൂൺ
പച്ചമുളക് - 1/4 കപ്പ്
വലിയ ഉള്ളി ചെറുതായി അരിഞ്ഞത് -1/2 കപ്പ്
വേവിച്ച് ഉടച്ച ഉരുളക്കിഴങ്ങ്‌ - 1 കപ്പ്
പനീർ - 1 1/2 കപ്പ്
വേവിച്ച് ഉടച്ച കാരറ്റ് - 1/2 കപ്പ്
വേവിച്ച് ഉടച്ച ബീറ്റ്റൂട്ട് - 1/2 കപ്പ്
കോൺഫ്ലോർ - 1/4 കപ്പ്
വെള്ളം - 160 മില്ലി
ബ്രഡ് പൊടിച്ചത്
എണ്ണ - ആവശ്യത്തിന്

പാചകരീതി :

∙ ഉരുളക്കിഴങ്ങും കാരറ്റും ഒരുമിച്ചും ബീറ്റ്റൂട്ട് വേറെയും വേവിക്കുക.
∙ വേവിച്ച പച്ചക്കറികൾ വെള്ളത്തിൽ നിന്ന് മാറ്റി ഉടച്ചെടുക്കുക.
∙ ഒരു പാനിൽ 1 ടേബിൾ സ്പൂൺ എണ്ണ ചൂടാക്കി ഇഞ്ചിയും പച്ചമുളകും 2 മിനിറ്റ് വഴറ്റുക. അതിനു ശേഷം ഉള്ളി 1 മിനിറ്റ് വഴറ്റുക.
∙ ഗ്യാസ് ഓഫ്‌ ചെയ്യുക.

∙ ഒരു പാത്രത്തിൽ വേവിച്ചുടച്ച പച്ചക്കറികളും പനീർ, കോൺഫ്ലോർ, ഗരം മസാല, ഉപ്പ്, വഴറ്റിയ ഉള്ളി എന്നിവ നന്നായി യോജിപ്പിക്കുക.
∙ നന്നായി കുഴച്ച ശേഷം ഉരുളകളാക്കി, ചെറിയ വൃത്താകൃതിയിൽ കൈയ്യിൽ വെച്ച് പരത്തി എടുക്കുക.
∙ ഒരു പാത്രത്തിൽ മൈദ വെള്ളമൊഴിച്ച് തരി കെട്ടാതെ മിശ്രിതമാക്കുക.
∙ മറ്റൊരു പാത്രത്തിൽ ബ്രഡ് പൊടിയും എടുത്തു വെക്കുക.
∙ പരത്തി വെച്ച കട്​ലറ്റ് ആദ്യം മൈദ മിശ്രിതത്തിൽ മുക്കി പിന്നീട് ബ്രഡ് പൊടിയിൽ മുക്കി എണ്ണയിൽ ഇടുക. സ്വർണ നിറമാകും വരെ വറുത്തെടുക്കുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.