Manoramaonline.com no longer supports Internet Explorer 8 or earlier. Please upgrade your browser.  Learn more »

അവ്ൻ ഇല്ലാതെ പ്ലം കേക്ക് തയാറാക്കാം

സമീന ഫൈസൽ
plum-cake

അവ്ൻ, റം, വൈൻ ഒന്നും ഉപയോഗിക്കാതെ ഈസിയായി പ്ലം കേക്ക് വീട്ടിൽ തയാറാക്കാം.

ചേരുവകൾ :

മുട്ട- 3
മൈദ - 2 കപ്പ്
ബേക്കിംഗ് പൗഡർ - ഒന്നര ടീസ്പൂൺ
ബേക്കിംഗ് സോഡ - അര ടീസ്പൂൺ
ഉപ്പ്- കാൽ ടീസ്പൂൺ
പഞ്ചസാര - 1 കപ്പ്
ഏലക്ക - 2
ഗ്രാമ്പു - 2
ജാതിക്ക - ഒരു ചെറിയ കഷ്ണം
പട്ട - ഒരു ചെറിയ കഷ്ണം
ഓറഞ്ച് തൊലി ചുരണ്ടിയത് - 1 ടീസ്പൂൺ
ഓറഞ്ച് ജ്യൂസ് - 1 കപ്പ്
ഈത്തപ്പഴം നുറുക്കിയത്- കാൽ കപ്പ്
പ്രൂൺസ് നുറുക്കിയത് - കാൽ കപ്പ്
ടുട്ടി ഫ്രൂട്ടി - കാൽ കപ്പ്
കശുവണ്ടി നുറുക്കിയത് - ഒരു ടേബിൾസ്പൂൺ
ഓയിൽ - 1 കപ്പ്

തയാറാക്കുന്ന വിധം: 

ആദ്യം ഡ്രൈ ഫ്രൂട്സ് ഓറഞ്ച് നീരിൽ ഒരു മണിക്കൂർ കുതിർത്തു വയ്ക്കുക . പകുതി കപ്പ് പഞ്ചസാര പട്ട, ഗ്രാമ്പു, ഏലയ്ക്ക, ജാതിക്ക എന്നവ ചേർത്തു പൊടിച്ചു വെയ്ക്കുക, ഒരു പാനിൽ പകുതി കപ്പ് പഞ്ചസാര ഇട്ട് കാരമേൽ ഉണ്ടാക്കി തണുക്കാൻ വെയ്ക്കുക. 

മൈദ, ബേക്കിങ് പൗഡർ, ബേക്കിങ് സോഡ, ഉപ്പ് എന്നിവ യോജിപ്പിച്ചെടുക്കുക . മുട്ടയുടെ വെള്ളയും മഞ്ഞ കരുവും വേർതിരിച്ചെടുക്കുക, മുട്ടയുടെ വെള്ള നന്നായി പതപ്പിച്ചെടുത്തു മാറ്റി വെയ്ക്കുക, മുട്ടയുടെ മഞ്ഞക്കരു, പഞ്ചസാര, ഓയിൽ എന്നിവ ചേർത്തു അടിച്ചെടുക്കുക. ഇതിലേക്കു മിക്സ് ചെയ്ത മൈദയുടെ കൂട്ട് കുറേശേ ചേർത്തു യോജിപ്പിച്ചെടുക്കുക , ഷുഗർ കാരമൽ ചേർക്കുക, സോക് ചെയ്ത ഡ്രൈ ഫ്രൂട്സ്, കാഷ്യു, ഓറഞ്ച് തൊലി എന്നിവ ചേർത്തു യോജിപ്പിച്ചെടുക്കുക . മുട്ടയുടെ വെള്ള പതപ്പിച്ചെടുത്തത് ചേർത്തു മെല്ലെ യോജിപ്പിച്ചെടുക്കുക . ഈ കൂട്ട് ഗ്രീസ് ചെയ്ത കേക്ക് ടിന്നിലേക്കൊഴിച്ചു ടാപ്പ് ചെയ്യുക. ഒരു സ്റ്റീൽ പാത്രത്തിൽ ഒരു ചെറിയ സ്റ്റാൻഡ് വെച്ചു കൊടുത്തു 10 മിനിറ്റ് പ്രീ ഹീറ്റ് ചെയ്യുക. 10 മിനിറ്റിനു ശേഷം കേക്ക് ടിൻ വെച്ചു കൊടുത്തു 40 - 45 മിനുട്ട് കുറഞ്ഞ തീയിൽ അടച്ചു വെച്ചു ബേക്ക് ചെയ്തെടുക്കുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.