വ്യത്യസ്തമായൊരു വെള്ള ചിക്കൻ കറി
Mail This Article
സാധാരണ ഉണ്ടാകുന്ന ചിക്കൻ കറിയിൽ നിന്നും വ്യത്യസ്തമായി ഒരു വൈറ്റ് ചിക്കൻ കറി ഉണ്ടാക്കിനോക്കൂ, ഏറേ ഇഷ്ടപെടും ഈ രുചി .
ചേരുവകൾ:
ചിക്കൻ - അരക്കിലോ
തൈര് - അരക്കപ്പ്
സവോള - 1
വെളുത്തുള്ളി - 3 അല്ലി
ഇഞ്ചി വെളുത്തുള്ളി പേസ്റ്റ് - 1 ടേബിൾസ്പൂൺ
പച്ചമുളക് - എരിവിനനുസരിച്ച്
ബദാം - 15 എണ്ണം
കശുവണ്ടി - 10 എണ്ണം
ഉപ്പ് - ആവശ്യത്തിന്
ഓയിൽ - 5 ടേബിൾസ്പൂൺ
ബട്ടർ - 2 ടേബിൾ സ്പൂൺ
പട്ട - 1 കഷ്ണം
ഗ്രാമ്പു - 2 എണ്ണം
ഏലയ്ക്ക - 2 എണ്ണം
വഴനയില - 1
മല്ലിയില
ഫ്രഷ് ക്രീം - അലങ്കരിക്കാൻ
തയാറാക്കുന്ന വിധം :
∙ ബദാം, കശുവണ്ടിപ്പരിപ്പ് എന്നിവ വെള്ളത്തിലിട്ട് കുതിർക്കുക.
∙ സവാളയും വെളുത്തുള്ളിയും വെള്ളത്തിലിട്ട് വേവിച്ചെടുത്ത് തണുത്ത ശേഷം അരച്ചെടുക്കുക.
∙ ചിക്കനിൽ ഇഞ്ചി വെളുത്തുള്ളി പേസ്റ്റും ആവശ്യത്തിന് ഉപ്പും ചേർത്തു 10 മിനിറ്റ് കുറഞ്ഞ എണ്ണയിൽ മൂടിവെച്ചു ഫ്രൈ ചെയ്തെടുക്കുക.
∙ മറ്റൊരു പാനിൽ ബട്ടർ, ഓയിൽ ഒഴിച്ചു ചൂടാകുമ്പോൾ പട്ട , ഗ്രാമ്പു , ഏലക്ക , വഴനയില ചേർത്തു മൂപ്പിക്കുക , ഇതിലേക്കു അരച്ചുവെച്ച സവാള വെളുത്തുള്ളി പേസ്റ്റ് ചേർത്തു നന്നായി വഴറ്റി എടുക്കുക , തൈര് ചേർത്തു കൊടുത്തു ചെറിയ തിളവരുമ്പോൾ ഫ്രൈ ചെയ്ത ചിക്കൻ, പച്ചമുളക്, ഉപ്പ് എന്നിവ ചേർത്തു ഇളക്കി 10 മിനിറ്റ് മൂടിവെച്ചു വേവിക്കുക .
∙ കുതിർക്കാൻ വെച്ച ബദാം കാഷ്യു നന്നായി അരച്ചെടുത്തു കറിയിലേക് ഒഴിച്ചു നന്നായി യോജിപ്പിച്ചെടുത്തു ഒരു മിനിറ്റ് തിളപ്പിച്ചു തീ ഓഫ് ചെയ്യുക. മല്ലിയില, ഫ്രഷ് ക്രീം ചേർത്തു ചൂടോടെ വിളമ്പാം.