ഇറ്റാലിയൻ മധുരക്കൂട്ട് വീട്ടിൽ തയാറാക്കിയാലോ
Mail This Article
സ്ട്രോബെറി പന്ന കൊട്ട! പേര് കേട്ടു പേടിക്കണ്ട, വളരെ സിമ്പിൾ ആയൊരു ഇറ്റാലിയൻ മധുരമാണിത്.
ചേരുവകൾ :
വാനില മിക്സ്ചർ തയാറാക്കാൻ വേണ്ടത് :
- പാൽ - 1 കപ്പ്
- ഫ്രഷ് ക്രീം / വിപ്പിംഗ് ക്രീം - 1 കപ്പ്
- പഞ്ചസാര - അരക്കപ്പ്
- വാനില എസൻസ് - 1 ടീസ്പൂൺ
- ജെലാറ്റിൻ - 10 ഗ്രാം
സ്ട്രോബെറി മിക്സ്ചർ തയാറാക്കാൻ വേണ്ടത് :
- സ്ട്രോബെറി - 2 കപ്പ്
- പഞ്ചസാര - അരക്കപ്പ്
- വെള്ളം - കാൽ കപ്പ്
- ജലാറ്റിൻ - 10 ഗ്രാം
- ചൂടുള്ള വെള്ളം - കാൽ കപ്പ്
തയാറാക്കുന്ന വിധം :
പാൽ , ഫ്രഷ് ക്രീം , പഞ്ചസാര , വാനില എസൻസ്, ജലാറ്റിൻ എന്നിവ മിക്സ് ചെയ്ത് ജലാറ്റിൻ അലിയുന്നത് വരെ ഒന്ന് ചൂടാക്കി എടുക്കുക , തിളപ്പിക്കരുത് . ഈ സമയം ഒരു ട്രേയിൽ ഗ്ലാസുകൾ ചെരിച്ചു വെച്ച് തയാറാക്കിയ വാനില മിക്സ് ഒഴിച്ചു ഫ്രിഡ്ജിൽ വച്ച് സെറ്റ്ചെയ്തെടുക്കുക .
മറ്റൊരു പാനിൽ സ്ട്രോബെറി , പഞ്ചസാര , വെള്ളം എന്നിവ ചേർത്തു തിള വരുമ്പോൾ തീ ഓഫ് ചെയ്ത് തണുക്കാനായി വെക്കുക , തണുത്തുകഴിഞ്ഞാൽ മിക്സിയിലിട്ട് അരച്ചെടുത്തു അരിച്ചു മാറ്റിവെക്കുക .
ജലാറ്റിൻ ചൂടുള്ള വെള്ളമൊഴിച്ചു അലിയിച്ചെടുത്തു സ്ട്രോബെറി മിക്സിയിലേക്ക് ഒഴിച്ചു കൊടുത്തു നന്നായി യോജിപ്പിച്ചെടുക്കുക , ഈ കൂട്ട് സെറ്റ് ചെയ്ത ഗ്ലാസിലൊഴിച്ച് ഫ്രിഡ്ജിൽ സെറ്റ് ചെയ്തെടുക്കാം.