sections
MORE

തട്ടുകടയിലെ രുചിയെ കടത്തിവെട്ടുന്ന പൊറോട്ട വീട്ടിൽ തയാറാക്കാം

Porotta Recipe
SHARE

തട്ടുകടകളിലെ ചൂടുപിടിച്ച ഇരുമ്പു തട്ടിൽ കചകചകച... ശബ്ദത്തോടെ ഇളകിമറിയുന്ന പൊറോട്ട. അടിയും ഇടിയും തൊഴിയുമേറ്റ് ഒരു പരുവത്തിൽ വേവിച്ചെടുക്കുന്ന  ചൂടൻ പൊറോട്ട. കടകളിൽ വീശിയടിച്ചെടുക്കുന്ന പൊറോട്ടയെക്കാൾ കൂടുതൽ ലയറുള്ള കിടിലൻ പൊറോട്ട വീട്ടിൽ തയാറാക്കിയെടുത്താലോ?

ചേരുവകൾ 

  • മൈദ  - 1/2 കിലോഗ്രാം
  • മുട്ട     - 1
  • പഞ്ചസാര -1ടേബിൾസ്പൂൺ (ആവശ്യമെങ്കിൽ)
  • ഓയിൽ 
  • ഉപ്പ് 

തയാറാക്കുന്ന വിധം :

∙ മൈദയിൽ എല്ലാ ചേരുവകളും ചേർത്ത് വെള്ളം ഒഴിച്ചു  20 മിനിറ്റ് നന്നായി കുഴച്ചെടുക്കണം. നന്നായി കുഴച്ചതിനു ശേഷം എണ്ണ തടവി ഒരു നനഞ്ഞ തുണി വച്ച് മൂടി 1 മണിക്കൂർ വയ്ക്കുക. 

∙ ഒരുമണിക്കൂറിനുശേഷം അത് ചെറിയ ഉരുളകൾ ആക്കി വയ്ക്കുക. ഇനി ഓരോ ഉരുളയും  ഓയിൽ തടവി  വട്ടത്തിൽ പരത്തി എടുക്കുക. 

∙ ശേഷം നീളത്തിൽ ചെറിയ ചെറിയ പീസ് ആയി കത്തി ഉപയോഗിച്ച് മുറിക്കുക. (ഒരറ്റത്തുനിന്നും നീളത്തിൽ മുകളിൽ നിന്നും താഴേക്കു കത്തികൊണ്ട് വരഞ്ഞിടാം. ആവശ്യത്തിന് എണ്ണ തളിച്ച് ഇത് കൈകൊണ്ട് രണ്ടു  വശത്തു നിന്നും നടു ഭാഗത്തേക്കു കൂട്ടി വയ്ക്കാം).

∙ ഇനി എല്ലാം കൂടെ എണ്ണ തടവി യോജിപ്പിച്ചു ചുരുട്ടി എടുക്കുക. ഇത് കൈ വച്ചും ചപ്പാത്തി പരത്തുന്ന റോളർ ഉപയോഗിച്ചും സാധരണ പൊറോട്ട പരത്തുന്നതുപോലെ പരത്തി എടുക്കുക. 

∙ ഇനി നല്ല ചൂടുള്ള തവയിൽ ഇട്ടു തിരിച്ചും മറിച്ചും  ചുട്ടെടുക്കാം. ചൂട് പോകുന്നതിനു മുൻപ് കുറച്ചു പൊറോട്ട ഒരുമിച്ചെടുത്തു കൈ വച്ച് അടിച്ചെടുത്തൽ നല്ല ലെയറുള്ള പൊറോട്ട തയാറാക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA