sections
MORE

വീട്ടിലെ ഫ്രൈ പാനിൽ കുട്ടികൾക്കിഷ്ടപ്പെടുന്ന ചിക്കൻ ടിക്ക തയാറാക്കാം

chicken-tikka
SHARE

നല്ല രുചിയും മണവുമുള്ള ചിക്കൻ ടിക്ക വീട്ടിലെ ഫ്രൈപാനിൽ വളരെ എളുപ്പത്തിൽ തയാറാക്കുന്നതെങ്ങനെയെന്നു നോക്കിയാലോ?

ചേരുവകൾ :

  • ചിക്കൻ എല്ലില്ലാതെ കഷ്ണങ്ങളാക്കിയത് - 250 ഗ്രാം
  • തൈര് - അരക്കപ്പ് 
  • ഇഞ്ചി വെളുത്തുള്ളി അരച്ചത് - 1 ടേബിൾസ്പൂൺ
  • മുളകുപൊടി - 1 ടേബിൾസ്പൂൺ
  • മഞ്ഞൾപ്പൊടി - കാൽ ടീസ്പൂൺ 
  • കുരുമുളക്പൊടി - അരടീസ്പൂൺ 
  • കസൂരിമേത്തി - കാൽടീസ്പൂൺ  
  • നാരങ്ങാനീര് - 1 ടേബിൾസ്പൂൺ 
  • ഉപ്പ്- 1 ടീസ്പൂൺ
  • സവാള ചതുര കഷ്ണങ്ങളാക്കിയത്- അരക്കപ്പ് 
  • കാപ്സിക്കം ചതുര കഷ്ണങ്ങളാക്കിയത് - അരക്കപ്പ്  
  • തക്കാളി ചതുര കഷ്ണങ്ങളാക്കിയത് - അരക്കപ്പ്  
  • ഓയിൽ - 1 ടേബിൾസ്പൂൺ

തയാറാക്കുന്ന വിധം:  

ഒരു ബൗളിലേക്കു തൈര്, ഇഞ്ചി വെളുത്തുള്ളി പേസ്റ്റ്, ഉപ്പ്, മുളകുപൊടി, കുരുമുളകുപൊടി, മഞ്ഞൾപ്പൊടി, കസൂരിമേത്തി, നാരങ്ങാനീര് എന്നിവ ചേർത്തു നന്നായി യോജിപ്പിക്കുക. ഇതിലേക്കു ചിക്കൻ, സവാള, കാപ്സികം, തക്കാളി എന്നിവ ചേർത്ത് ഒരു മണിക്കൂർ മാരിനേറ്റ് ചെയ്തു വയ്ക്കാം. 

ഒരു മണിക്കൂറിനു ശേഷം സോക് ചെയ്ത ബാംബൂ സ്റ്റിക്കിലേക്കു സവാള, കാപ്സിക്കം, തക്കാളി, ചിക്കൻ എന്ന ക്രമത്തിൽ ഓരോന്നായി കോർത്തെടുക്കുക. ഒരു പാനിൽ എണ്ണ തടവി, കുറഞ്ഞ തീയിൽ തിരിച്ചും മറിച്ചുമിട്ട് 15 മിനിറ്റ് വേവിച്ചെടുക്കുക. ചൂടോടെ വിളമ്പാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA