ഉള്ളം കുളിർപ്പിക്കാൻ ബാംഗാളിൽ നിന്നൊരു മധുരക്കൂട്ടായാലോ?
Mail This Article
×
ഈ വേനലിൽ ഉള്ളം കുളിർപ്പിക്കാൻ ഒരു ബംഗാളി മധുരം തയാറാക്കിയാലോ? പെട്ടെന്നു തയാറാക്കാം. ബപ്പാ ദോയി എന്ന മധുരം കുട്ടികൾക്ക് ഏറെ ഇഷ്ടപ്പെടും. ആകെ 3 ചേരുവകൾ മാത്രം.
ചേരുവകൾ
- യോഗർട്ട് -1 കപ്പ്
- കണ്ടൻസ്ഡ് മിൽക്ക്- മുക്കാൽ കപ്പ്
- പാൽ - കാൽ കപ്പ്
തയാറാക്കുന്ന വിധം
ആദ്യം യോഗർട്ട് അരിപ്പയിലോ അല്ലെങ്കിൽ കോട്ടൺ തുണിയിലോ ഒരു അരമണിക്കൂർ വെള്ളം കളയാനായി ഇട്ട് വയ്ക്കണം. അതിനുശേഷം ഈ കട്ടത്തൈരും കണ്ടൻസ്ഡ് മിൽക്കും കൂടെ ചേർത്ത് നന്നായി കട്ടയില്ലാതെ യോജിപ്പിച്ചെടുക്കുക. ഇതിലേക്ക് പാലും ചേർത്ത് നന്നായി മിക്സ് ചെയ്യുക. ഇനി ചെറിയ ചെറിയ ബൗളിൽ ഒഴിച്ച് 15 മിനിറ്റ് ആവിയിൽ വേവിച്ചെടുക്കുക. വേണമെങ്കിൽ ഡ്രൈഫ്രൂട്ട്സ് ചേർത്തു കൊടുക്കാം. ഒന്ന് ചൂടാറിയ ശേഷം രണ്ട് മണിക്കൂർ ഫ്രിഡ്ജിൽ വെച്ച് തണുപ്പിച്ച് എടുക്കുക.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
