sections
MORE

വിഷു സ്പെഷൽ പാലട പായസം വളരെ എളുപ്പത്തിൽ പ്രഷർ കുക്കറിൽ

Palada
SHARE

പായസമില്ലാതെ എന്ത് സദ്യ, വിഷു സദ്യയ്ക്ക് രുചികരമായ പാലട പായസം പ്രഷർ കുക്കറിൽ തയാറാക്കിയാലോ?

ചേരുവകൾ 

  • റെഡിമേഡ് റൈസ് അട  -  125 ഗ്രാം / 1 കപ്പ്  (ചെറിയ അട)
  • തിളപ്പിച്ച വെള്ളം           - 2 അല്ലെങ്കിൽ 3 കപ്പ് 
  • കട്ടിയുള്ള പാൽ            -  1 1/2 ലിറ്റർ 
  • പഞ്ചസാര                   -  1 1/2 കപ്പ് 
  • ഏലയ്ക്കാപ്പൊടി          -  1 ടീസ്പൂൺ 
  • നെയ്യ്                        -  1 ടേബിൾസ്പൂൺ  
  • കശുവണ്ടി                 - 1 0 - 2 0 എണ്ണം 
  • ഉണക്കമുന്തിരി           -  2 0 എണ്ണം 
  • ഉപ്പ്                        - ഒരു നുള്ള് 

തയാറാക്കുന്നവിധം 

1 . ഒരു കപ്പ് റൈസ്/അരി അട  3 കപ്പ് തിളപ്പിച്ച വെള്ളത്തിൽ ഇട്ട്  10 - 15 മിനിറ്റ് അടച്ചുവെക്കാം. (ഇങ്ങനെ ചെയ്താൽ അട പെട്ടന്നു സോഫ്റ്റ് ആയി കിട്ടും). അതിനുശേഷം ഈ  വെള്ളം മാറ്റി മൂന്ന് തവണ തണുത്തവെള്ളത്തിൽ കഴുകി വെള്ളം എല്ലാം ഊറ്റി മാറ്റി വെക്കുക.

2 . കുക്കറിൽ 1 1/2 ലിറ്റർ പാൽ ഒഴിച്ചുകൊടുക്കാം. അതിനുശേഷം ഗ്യാസ് ഓണാക്കി മീഡിയം തീയിൽ പാല് തിളപ്പിച്ചെടുക്കാം.പാല് ഇടക്കിടക്കു ഇളക്കികൊടുക്കണം.പാല് തിളച്ചുവരുമ്പോ  അതിലേക് പഞ്ചസാര ചേർത്തുകൊടുക്കാം. നന്നായി ഇളക്കി പഞ്ചസാര അലിയിച്ചെടുക്കാം. അതിനുശേഷം അതിലേക്കു കുക്ക് ചെയ്തുവെച്ച  അട ഇട്ടുകൊടുത്തു നന്നായി ഇളക്കിയെടുക്കാം.

3 . ഇനി ഈ കുക്കർ അടച്ചുവെച്ചിട്(കുക്കറിന്റെ വിസിൽ/വെയിറ്റ് എടുത്തുമാറ്റണം) ചെറിയ തീയിൽ കുക്ക് ചെയ്യാം. ആവി വന്നുതുടങ്ങിയാൽ കുക്കറിന്റെ വിസിൽ/വെയിറ്റ് ഇട്ടിട് ഒരു 20 മുതൽ 25 മിനിറ്റ് ചെറിയ തീയിൽ കുക്ക് ചെയ്യുക. അതിനുശേഷം തീ ഓഫ് ചെയ്യാം.

4 .കുക്കറിലെ ആവി പോയതിനുശേഷം  കുക്കറിന്റെ  മൂടി തുറന്നു നോക്കാം. (കൂടുതൽ വെള്ളം പോലെ തോന്നുകയാണെങ്കിൽ ഒരു 10 മിനിറ്റ് തുറന്നുവെച്ച്  കുക്ക് ചെയ്യാം). 

5 . ഏലക്കാപൊടിയും ഒരുനുള്ള് ഉപ്പും ചേർത്ത് ഇളക്കാം.പഞ്ചസാര കുറവാണെങ്കിൽ ഈ സമയം ചേർത്തുകൊടുക്കാം. ഗ്യാസ് ഓഫ് ആക്കാം.

6 .ഒരു ചെറിയ പാത്രം ചൂടാക്കി അതിലേക് നെയ്യ് ഒഴിച്ചുകൊടുക്കാം.നെയ്യ് ചൂടായിക്കഴിഞ്ഞാൽ ചെറിയ തീയിൽ കശുവണ്ടിയും മുന്തിരിയും വറത്തെടുക്കുക.ഇത് പായസത്തിൽ ചേർത്ത് നന്നായി യോജിപ്പിക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA