മൈദയും പഞ്ചസാരയും ചേർക്കാത്ത ഹെൽത്തി പാൻ കേക്ക്  

അവധിക്കാലം ആഘോഷിക്കുന്ന കുട്ടികൾക്ക് ഇഷ്ടപ്പെടുന്ന രുചിയിലൊരു പാൻ കേക്ക് തയാറാക്കിയാലോ? ആരോഗ്യകരവും പോഷകഗുണവുമുള്ള പാൻ കേക്ക് എളുപ്പത്തിൽ തയാറാക്കാം.

ചേരുവകൾ

• ശർക്കര - 1/2 കപ്പ്‌
  
• വെള്ളം - 1 1/2 കപ്പ്‌
• പഴം (റോബസ്റ്റ) - 2 
• അരിപ്പൊടി - 1 1/4 കപ്പ്
• നാളികേരം - 1/2 കപ്പ്‌
• ഏലയ്ക്കാപ്പൊടി - 1/2 ടീസ്പൂൺ
• ബേക്കിങ് പൗഡർ - 1 ടീസ്പൂൺ
• നെയ്യ് - ആവശ്യത്തിന്

തയാറാക്കുന്ന വിധം

∙ ഒരു പാൻ ചൂടാക്കി ശർക്കരയും വെള്ളവും ചേർത്ത് ശർക്കര നന്നായി ഉരുക്കിയെടുക്കുക. ഇത് മാറ്റി വയ്ക്കുക.

∙ ഒരു ബൗളിൽ പഴം ചേർത്ത് നന്നായി ഉടച്ചെടുക്കുക. ഇതിലേക്കു അരിപ്പൊടി, തേങ്ങ, ബേക്കിങ് പൗഡർ, എള്ള് എന്നിവ ചേർത്ത് നന്നായി മിക്സ് ചെയ്യുക. ഇതിലേക്ക് നേരത്തെ തയാറാക്കി വെച്ച ശർക്കര പാനി ചേർത്ത് കട്ട കൂടാതെ യോജിപ്പിക്കുക.

∙ ഒരു പാൻ ചൂടാക്കി അതിൽ നെയ്യ് തടവുക. ഇതിലേക്ക് ഒരു തവി മാവ് ഒഴിക്കുക. മാവ് പരത്തേണ്ട ആവശ്യമില്ല. ചുറ്റിലുമായി ഒരു സ്പൂൺ നെയ്യ് ഒഴിച്ച് കൊടുക്കുക. പിന്നീട് ഇത് തിരിച്ചിട്ട്‌ വേവിക്കുക.

∙ സ്വാദിഷ്ടമായ ബനാന പാൻ കേക്ക് തയാർ. മുകളിൽ അൽപം തേൻ, ഡ്രൈഫ്രൂട്സ്, നട്സ് എന്നിവ വിതറി ചൂടോടെ കഴിക്കാം.