sections
MORE

പാൽപ്പായസം വളരെ എളുപ്പത്തിൽ കുക്കറിൽ തയാറാക്കാം

palpayasam
SHARE

രുചികരമായ പാൽപ്പായസം വളരെ എളുപ്പത്തിൽ പ്രഷർ കുക്കറിൽ തയാറാക്കിയാലോ? 

ചേരുവകൾ 

  • കട്ടിയുള്ള പാൽ   - 1 മുതൽ 1 1/2 കപ്പ് വരെ 
  • ബിരിയാണി അരി / ബസ്മതി അരി -  1/4 കപ്പ് 
  • പഞ്ചസാര   -  1 1/2 മുതൽ 2 കപ്പ് വരെ  (ആവശ്യത്തിന്)
  • നെയ്യ്          - 1 ടേബിൾസ്പൂൺ 
  • ഏലയ്ക്കാപ്പൊടി  -  1/4 ടീസ്പൂൺ 
  • അണ്ടിപ്പരിപ്പ്   -  1 0 എണ്ണം 
  • ഉണക്ക മുന്തിരി   - 1 5  എണ്ണം 
  • ഉപ്പ്    – ഒരു നുള്ള് 

തയാറാക്കുന്ന വിധം  

1. കുക്കറിലേക്ക് പാലും കഴുകിവെച്ച അരിയും പഞ്ചസാരയും ചേർത്ത് പാൽ തിളപ്പിച്ചെടുക്കാം.പഞ്ചസാര പെട്ടന്ന് അലിയാനായി ഇടയ്ക്കിടക്ക് ഇളക്കികൊടുക്കാം.

2. പഞ്ചസാര അലിഞ്ഞു കഴിഞ്ഞാൽ ഗ്യാസ് വളരെ ചെറിയ തീയിൽ ആക്കി കുക്കർ മൂടി വച്ച് (വിസിൽ /  വെയിറ്റ് ഇടരുത് ) ആവി വരുന്നത് വരെ കുക്ക് ചെയ്യാം.

3. ആവി വന്നുകഴിഞ്ഞാൽ കുക്കറിന്റെ വിസിൽ /  വെയിറ്റ് ഇട്ട് വളരെ ചെറിയ തീയിൽ 30 മുതൽ 35 മിനിറ്റ് വരെ വേവിച്ചെടുക്കുക. ഇതിനിടയിൽ വിസിൽ വരുകയാണെങ്കിൽ നിങ്ങൾക് തീ ഓഫാക്കാം. അല്ലെങ്കിൽ മേൽ പറഞ്ഞ സമയം വരെ കുക്ക് ചെയ്യാം. അതുകഴിഞ്ഞു തീ ഓഫാക്കാം .

4. ആവി മുഴുവനായി പോയി കഴിഞ്ഞാൽ കുക്കറിന്റെ മൂടി തുറന്നു നോക്കാം. അതിലേക് 1/4   ടീസ്പൂൺ  ഏലയ്ക്കാപൊടിയും ഒരുനുള്ള് ഉപ്പും ചേർത്ത് ഇളക്കാം.

5. ഒരു പാത്രത്തിൽ 1 ടേബിൾസ്പൂൺ നെയ്യ് ചൂടാക്കി അണ്ടിപരിപ്പും മുന്തിരിയും വറത്തു കോരുക. ഇത് പായസത്തിൽ ചേർത്തുകൊടുത്തു എല്ലാം നന്നായി യോജിപ്പിക്കാം. ചൂടോടെയോ തണുപ്പിച്ചോ പായസം വിളമ്പാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA