മാമ്പഴരുചിയിൽ ഐസ്ക്രീം വീട്ടിൽ തയാറാക്കാം, നാലു ചേരുവകൾ മാത്രം!
Mail This Article
×
വീട്ടിൽ റവയും പാലും ഉണ്ടോ? പിന്നെ ഒരു മാമ്പഴവും മധുരത്തിന് അൽപം പഞ്ചസാരയും ചേർത്താൽ കടയിൽ കിട്ടുന്നപോലെയുള്ള മാംഗോ ഐസ്ക്രീം വീട്ടിൽ തയാറാക്കാം.
ചേരുവകൾ
- റവ - 2 ടേബിൾസ്പൂൺ
- പാൽ - 3 കപ്പ് (ഒരു കപ്പ് 250 ML)
- പഞ്ചസാര - 1/2 കപ്പ്
- പഴുത്ത മാങ്ങാ - 1
തയാറാക്കുന്ന വിധം
- റവ 5 ടേബിൾ സ്പൂൺ പാലിൽ സ്പൂൺ ഉപയോഗിച്ച് യോജിപ്പിച്ചെടുക്കുക.
- 3 കപ്പ് പാല് ഒരു പാത്രത്തിൽ ഒഴിച്ച് ചൂടാക്കുക, ചൂടായി വരുമ്പോൾ മിക്സ് ചെയ്ത റവ ഒഴിച്ച് നന്നായി ഇളക്കികൊടുക്കുക.
- ഇതിലേക്ക് 1/2 കപ്പ് പഞ്ചസാര ചേർത്ത് നന്നായി ഇളക്കുക. കുറച്ചു കട്ടി ആയി വരുമ്പോൾ തീ ഓഫ്‌ ചെയ്യുക. ഇവ നന്നായി തണുപ്പിക്കാൻ വെയ്ക്കുക.
- മിക്സിടെ ജാറിൽ പഴുത്ത മാങ്ങ നന്നായി അടിച്ചെടുക്കുക. ഇതിലേക്ക് റവ പാൽ മിശ്രിതം ഒഴിച്ച് കൊടുക്കുക. അര ടീസ്പൂൺ വാനില എസൻസ്, അര ടീസ്പൂൺ മാങ്ങാ എസൻസും ചേർക്കാം, നിർബന്ധം ഇല്ല.
- ഇവ നന്നായി മിക്സിയിൽ അടിച്ചെടുക്കുക. ഒരു പാത്രത്തിൽ ഒഴിച്ചു ഫ്രീസറിൽ 2 മണിക്കൂർ തണുപ്പിച്ചെടുക്കുക. രണ്ടു മണിക്കൂറിനു ശേഷം വീണ്ടും മിക്സിയിൽ അടിച്ചെടുക്കുക. വീണ്ടും 8 മണിക്കൂർ ഫ്രീസറിൽ വെക്കുക. രുചികരമായ മാങ്ങ ഐസ്ക്രീം റെഡി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
