വെറും 10 മിനിറ്റ് മതി രുചികരമായ ഈ പാൻകേക്ക് തയാറാക്കാൻ

തിരക്കുപിടിച്ച ജീവിത സാഹചര്യങ്ങളിൽ എളുപ്പത്തിൽ ഉണ്ടാക്കാനും കഴിക്കാനും പറ്റുന്ന ബ്രേക്ക്ഫ്സാറ്റആണ് എല്ലാവർക്കും താൽപര്യം .അങ്ങനെ എളുപ്പത്തിൽ ഉണ്ടാക്കാൻ പറ്റുന്നതും ആരോഗ്യകരവുമായ ഒരു പാൻകേക്ക് 

ചേരുവകൾ 

• മുഴുവനോടെയുള്ള ഓട്സ് - 1 കപ്പ്
• നട്സ് - 1/ 2 കപ്പ് 
• ഡ്രൈ ഫ്രൂട്ട്സ് - 1/ 2 കപ്പ് 
• സീഡ്സ് - 1/ 2 കപ്പ് 
• പാൽ - 1 ഗ്ലാസ് 
• നേന്ത്ര പഴം -ഒരു പകുതി
• ശർക്കര പൊടിച്ചത് -1/ 4 കപ്പ്

തയാറാക്കുന്ന വിധം 

• ചുവടു കട്ടിയുള്ള പാൻ അടുപ്പിൽ വെച്ച് ഒരു ഇടത്തരം തീയിൽ ഓട്സ് പച്ചമണം മാറുന്നതുവരെ  വറുത്തെടുക്കുക .
  
• അതിനു ശേഷം നട്ട്സ് ചെറുതായി വറുത്തെടുക്കുക.
• ഏതു നട്ട്സ് വേണമെങ്കിലും എടുക്കാവുന്നതാണ്. സീഡ്സ് അതുപോലെ തന്നെ വറുത്തെടുക്കുക. മത്തക്കുരുവും എള്ളുമാണ് എടുത്തത്.
• ഇനി ഒരു വലിയ പാത്രം എടുത്തു ഇത് എല്ലാം കൂടി മിക്സ് ചെയുക.
  
• ഡ്രൈ ഫ്രൂട്ട്സ് കൂടി ചേർത്ത് യോജിപ്പിക്കുക.
• ഇനി ഒരു വായു കിടക്കാത്ത പാത്രത്തിൽ അടച്ചു വെക്കാം.
• മുസ്‌ലീ തയ്യാർ.ഇത് കുറച്ചു നാൾ സൂക്ഷിച്ചു വെക്കാം

പാൻകേക്ക് തയാറാക്കുന്ന വിധം

• ആദ്യം 1/ 2 കപ്പ് മുസ്‌ലീ മിക്‌സിയുടെ ചെറിയ ജാറിൽ പൊടിച്ചു മാറ്റി വെക്കുക.
  
• ഇനി പഴവും പാലും മിക്സിയുടെ ചെറിയ ജാറിൽ അടിച്ചെടുക്കുക.
• പാല് കുറച്ചു കുറച്ചു ചേർത്ത് വേണം അടിച്ചെടുക്കാൻ.
• പൊടിച്ചു വെച്ചിരിക്കുന്ന മുസ്‌ലീയിലേക്കു ശർക്കര പൊടി ചേർത്ത് യോജിപ്പിക്കുക.
• അതിലേക്കു പഴവും പാലും ചേർത്ത മിശ്രിതം ചേർത്ത് കൊടുത്തു യോജിപ്പിക്കുക 
• ഇനി പാൻ അടുപ്പിൽ വെച്ച് ചൂടാകുമ്പോൾ വെണ്ണ ചേർത്ത് കൊടുക്കുക.
• അതിലേക്കു ഓരോ തവി പാൻകേക്ക് മിശ്രിതം ചേർത്ത് കൊടുക്കുക.
• ഇനി അടച്ചു വെച്ച് 5 മിനിറ്റ് ഇടത്തരം തീയിൽ വേവിക്കുക.
• നന്നായി 2 വശവും ആയി കഴിയുമ്പോൾ പാനിൽ നിന്നും മാറ്റാം.
• ചൂടോടെ കഴിക്കാം.