ഊണിനു കൂട്ടാൻ പപ്പട തോരൻ തയാറാക്കിയാലോ?

മലയാളികൾ പൊതുവെ പൊള്ളിച്ച പപ്പടം കഴിക്കാറാണ് പതിവ്. പപ്പടം കൊണ്ടൊരു വ്യത്യസ്തമായ വിഭവം പരിചയപ്പെട്ടാലോ?

ചേരുവകൾ

• പപ്പടം - 5 
  
• ജീരകം - 1/2 ടേബിൾ സ്പൂൺ
• വെളുത്തുള്ളി - 2 അല്ലി
• മുളകുപൊടി - 2 ടേബിൾസ്പൂൺ
• തേങ്ങ തിരുമ്മിയത് - 1/2 കപ്പ്
• കടുക് - 1/2 ടേബിൾ സ്പൂൺ
• വെളിച്ചെണ്ണ- 2 ടേബിൾ സ്പൂൺ
• സവാള - 4 എണ്ണം
• ഉപ്പ് - ആവശ്യത്തിന്
• കറിവേപ്പില - 2 ഇതൾ
• ഉഴുന്ന് പരിപ്പ് - 1 ടേബിൾ സ്പൂൺ

തയാറാക്കുന്ന വിധം

∙ ആദ്യം അഞ്ച് പപ്പടവും പൊള്ളിച്ചെടുക്കുക.

∙ തേങ്ങ, വെളുത്തുള്ളി, ജീരകം,മുളകുപൊടി എന്നിവ ചതച്ചെടുക്കുക.

∙ പാത്രം ചൂടാക്കി കടുക് പൊട്ടിക്കുക, ശേഷം ഉഴുന്ന് പരിപ്പ് അതിലേക്ക് ചേർക്കുക.

∙ ഉഴുന്ന് ബ്രൗൺ നിറം ആകാറാകുമ്പോൾ ഉള്ളിയും കറിവേപ്പിലയും ചേർത്ത് നന്നായി വഴറ്റുക.

∙ മസാലയും, പൊള്ളിച്ചുവെച്ച പപ്പടവും (പൊടിച്ച് )ചേർത്ത് നന്നായി ഇളക്കുക.