ഗ്രീൻ ചിക്കൻ കഴിക്കാതെ എന്ത് ഗോവൻ ട്രിപ്പ്!

ഗോവയിൽ പോയിട്ടുള്ളവർ മറക്കില്ലാത്തൊരു ചിക്കൻ രുചിയാണ് ചിക്കൻ കാഫ്റേൽ അല്ലെങ്കിൽ ഗ്രീൻ ചിക്കൻ. ആഫ്രിക്കയിലെ പോർച്ച്ഗീസ് കോളനികളിലാണ് ഈ രുചി ആദ്യമായി പരീക്ഷിച്ചതെന്നു കരുതപ്പെടുന്നു. പോർച്ച്ഗീസുകാരിൽ നിന്നാണ് ഈ രുചി ഗോവയ്ക്ക് സ്വന്തമായത്.

ചേരുവകൾ

ചിക്കൻ – 750 ഗ്രാം

കാഫ്റേൽ മസാല തയാറാക്കാൻ

• പച്ചമുളക് – 15 എണ്ണം.
  
• മല്ലിയിലയും പുതിന ഇലയും – ആവശ്യത്തിന്
• ഇഞ്ചി – ചെറിയ കഷ്ണം
• വെളുത്തുള്ളി –12 അല്ലി
• കുരുമുളക് – 20 എണ്ണം
• പട്ട  – ചെറിയ 4 കഷ്ണം
• പെരും ജീരകം –1 ടീ സ്പൂൺ
• ഉപ്പ് – ആവശ്യത്തിന്
• മഞ്ഞൾപ്പൊടി –
• ഗ്രാമ്പു – 4 എണ്ണം
• തൈര് – 2 സ്പൂൺ

തയാറാക്കുന്ന വിധം

• കോഴി ഒഴികെയുള്ള ചേരുവകൾ മിക്സിയിൽ അരച്ചെടുക്കുക.
  
• കോഴി കഷ്ണത്തിൽ ഈ അരപ്പ് ചേർത്ത് യോജിപ്പിച്ച് 2 മണിക്കൂർ വെയ്ക്കുക.
• ഒരു പാത്രം ചൂടായാൽ അതിലേക്ക് മസാല പുരട്ടി വെച്ച ചിക്കനും രണ്ടു ടേബിൾ സ്പൂൺ ഓയിലും അര കപ്പ് ചൂടുവെള്ളം ചേർത്ത് മൂടി വെയ്ക്കുക. വെന്ത് കുറുകി വന്നാൽ തീ ഓഫ് ചെയ്തു വിളമ്പാം.