മക്രോണി രുചി ഗരിമയിലൊരു പുഡ്ഡിങ്

സ്വതന്ത്രമായി ഒരു രുചി നിൽപ്പില്ലെങ്കിലും ചേരേണ്ടിടത്ത് രുചിമേളമൊരുക്കുന്നൊരു മാജിക് മക്രോണിക്കുണ്ട്. വ്യത്യസ്തമായ ഒരു മക്രോണി പുഡ്ഡിങ് വളരെ എളുപ്പത്തിൽ തയാറാക്കാം.

• മാക്രോണി - 1 കപ്പ്‌ 
  
• പാൽ - 400 മിലി + 1 കപ്പ്‌ 
• പഞ്ചസാര - 1/4 കപ്പ്‌ 
• കണ്ടൻസ്ഡ് മിൽക്ക് - 2 ടീ സ്പൂൺ 
• ഡ്രൈഡ് പപ്പായ 
• കശുവണ്ടിപ്പരിപ്പ്
• ഉണക്കമുന്തിരി 

പാചകരീതി

∙മാക്രോണി 400 മിലി പാൽ ഒഴിച്ച് പഞ്ചസാരയും ചേർത്ത് നന്നായി വേവിക്കുക. പാൽ വറ്റുന്നതു വരെ വേവിക്കണം. 

∙വെന്തു കഴിഞ്ഞാൽ ഒരു ബൗളിലേക്കു മാറ്റുക, 1/2 കപ്പ്‌ പാൽ ചേർത്ത് ഒപ്പം കണ്ടൻസ്ഡ് മിൽക്കും ചേർത്ത് നന്നായി ഇളക്കുക. അതിലേക്ക് ഡ്രൈഡ് പപ്പായ, അണ്ടിപരിപ്പ്, ഉണക്കമുന്തിരി ചേർത്ത് ഒപ്പം 1/2 കപ്പ്‌ പാലും കൂടി ചേർത്ത് നന്നായി യോജിപ്പിക്കുക. 4-5 മണിക്കൂർ ഫ്രിഡ്ജിൽ വെച്ച് തണുപ്പിച്ച ശേഷം കഴിക്കാവുന്നതാണ്.