ക്ഷീണം അകറ്റുന്ന രണ്ട് ഷേക്ക് രുചികൾ

മിൽക്ക് ഷേക്ക് രുചി പ്രായഭേദമന്യേ എല്ലാവർക്കും ഇഷ്ടമാണ്. ഈ നോമ്പുകാലത്ത് തയാറാക്കാൻ പറ്റിയ, ക്ഷീണം അകറ്റുന്ന രണ്ട് മിൽക്ക് ഷേക്ക് പാചകവിധി നോക്കാം.

1. കാരറ്റ് മിൽക്ക് ഷേക്ക്

ചേരുവകൾ

• വേവിച്ച കാരറ്റ് - 1 1/2 എണ്ണം
• പഞ്ചസാര - 2 ടേബിൾ സ്പൂൺ
• ഏലയ്ക്കായ - 1 എണ്ണം
• തണുത്ത പാൽ - 1 കപ്പ് 
• ഐസ്ക്രീം - 2 സ്കൂപ്പ്

തയാറാക്കുന്ന വിധം

വേവിച്ച കാരറ്റും പഞ്ചസാരയും ഏലയ്ക്കായും ചേർത്ത് നന്നായി പേസ്റ്റ് പോലെ അരച്ചെടുക്കുക. അതിലേക്ക് തണുത്ത പാലും ഐസ്ക്രീമും ചേർത്ത് ഒന്നുകൂടെ അടിച്ചെടുക്കുക. ഗ്ലാസിലേക്ക് പകർത്തി പിസ്ത പൊടിച്ചത് ചേർത്ത് അലങ്കരിക്കാം.

2. ആപ്പിൾ ഷാർജ ഷേക്ക്

ചേരുവകൾ

• ആപ്പിൾ - 1 എണ്ണം 
• പഴം - 1/2 കഷണം
• പഞ്ചസാര - 2 ടേബിൾസ്പൂൺ
• തണുത്ത പാൽ - 1 കപ്പ്
• പിസ്ത പൊടിച്ചത് - അലങ്കരിക്കാൻ

തയാറാക്കുന്ന വിധം

ആപ്പിളും പഴവും പഞ്ചസാരയും ചേർത്ത് നന്നായി അടിച്ചെടുക്കുക. ഇതിലേക്ക് തണുപ്പിച്ച പാൽ കൂടി ചേർത്ത് അടിച്ചെടുക്കുക. ഗ്ലാസിലേക്ക് പകർത്തി പിസ്ത പൊടിച്ചത് ചേർത്ത് അലങ്കരിക്കാം.