ഒരൊറ്റ ഗ്ലാസ് ചെമ്പരത്തി ചായ മതി, വണ്ണവും കുറയും ചർമ്മവും തിളങ്ങും!

Hibiscus Tea
SHARE

രക്തസമ്മർദം കുറയ്ക്കാനും വണ്ണം കുറയ്ക്കാനും സഹായിക്കുന്നൊരു പാനിയമാണിത്. ആന്റി ഓക്സിഡന്റ്സിനാൽ സമ്പുഷ്ടമാണ് ഈ ചായ ചർമ്മത്തിനും ഗുണം ചെയ്യും. രക്തത്തിലെ പഞ്ചസാരയുടെ അളവ് കുറയ്ക്കുന്ന പാനിയമാണിതെന്ന കാര്യം പ്രത്യേകം ശ്രദ്ധിക്കണം.

ചേരുവകൾ

  • ചെമ്പരുത്തി പൂവ് - 6 എണ്ണം (3 ഗ്ലാസ് ചായ തയാറാക്കാം)
  • ഇഞ്ചി - ചെറിയ കഷ്ണങ്ങൾ 5-6 എണ്ണം 
  • പട്ട - ഒരു ചെറിയ കഷ്ണം 
  • വെള്ളം - 3 ഗ്ലാസ്‌ 
  • തേൻ - ആവശ്യത്തിന് 
  • നാരങ്ങാനീര് (ഒരു ഗ്ലാസിന് ) - 1/2 നാരങ്ങയുടെ നീര് 

തയാറാക്കുന്ന വിധം

  • ചെമ്പരുത്തി പൂവിന്റെ ഇതളുകൾ മാത്രം എടുക്കുക, വെള്ളത്തിലിട്ട് നന്നായി കഴുകി എടുക്കുക ( പൊടികളും പ്രാണികളും കളയാൻ വേണ്ടിയാണ് )
  • ഒരു പാത്രത്തിൽ 3 ഗ്ലാസ്‌ വെള്ളം തിളപ്പിക്കുക. അതിലേക്ക് ഇഞ്ചിയും പട്ടയും ചേർക്കുക. നന്നായി തിളച്ച ശേഷം, വെള്ളം ചെമ്പരുത്തി പൂവിലേക്കു ഒഴിക്കുക. 2 മിനിറ്റോളം അടച്ച് വെക്കുക. ഇളക്കരുത്. 
  • പൂവിന്റെ ചുവന്ന നിറം വെള്ളത്തിലേക്ക് കലർന്ന് കടും ചുവപ്പ് നിറം ആവും. നന്നായി അരിച്ചെടുക്കുക. ശേഷം തേനും നാരങ്ങ നീരും ചേർത്ത് നന്നായി യോജിപ്പിക്കുക. ഇപ്പോൾ ചായയുടെ കളർ ഇളം ചുവപ്പ് ആയിട്ടുണ്ടാവും.

ഇത് ചൂടോടു കൂടിയോ തണുപ്പിച്ചോ കഴിക്കാവുന്നതാണ്.   

Note : 

∙ ഗർഭിണികളും മുലയൂട്ടുന്ന അമ്മമാരും ഈ പാനിയം ഉപയോഗിക്കരുത്

∙ രക്തത്തിലെ പഞ്ചസാരയുടെ അളവ് കുറയ്ക്കും

∙ രക്തസമ്മർദ്ദം കുറയ്ക്കും

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA