sections
MORE

രുചികരമായ ചിക്കൻ പോപ്‌സിക്കിൾ

Chicken Popsicles
SHARE

ചിക്കൻ രുചിയിൽ വ്യത്യസ്തമായൊരു പോപ്സിക്കിൾ തയാറാക്കിയാലോ? കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടുന്ന ചിക്കൻ വിഭവമാണിത്.

  •  ചിക്കൻ - 200ഗ്രാം 
  • ഉരുളക്കിഴങ്ങ് - 1 
  • വെള്ള കടല - 1 കപ്പ്‌ 
  • വെളുത്തുള്ളി - 5-6 എണ്ണം 
  •  ഇഞ്ചി - ചെറിയ കഷ്ണം 
  •  മുളകുപൊടി - 1 ടീ സ്പൂൺ 
  •  കുരുമുളക് പൊടി - 1 ടീ സ്പൂൺ 
  •  ബ്രഡ് - 3 കഷ്ണം 
  •  നാരങ്ങനീര് - 1
  •  മുട്ട - 2 എണ്ണം 
  •  ബ്രെഡ് പൊടിച്ചത് - ആവശ്യത്തിന് 
  • എണ്ണ - വറുക്കാൻ ആവശ്യത്തിന് 

ചീസ് സോസ് 

  • ബട്ടർ - 50 ഗ്രാം 
  • പാൽ - 250 മിലി 
  •  മൈദ - 1 ടീ സ്പൂൺ
  •  ചെഡാർ ചീസ് - 100ഗ്രാം 
  • ഉപ്പ് - 1/4 ടീ സ്പൂൺ 

തയാറാക്കുന്ന വിധം

  • ചിക്കൻ, ഉരുളക്കിഴങ്ങ്, വെള്ള കടല, വെളുത്തുള്ളി,ഇഞ്ചി, മുളകുപൊടി, കുരുമുളക് പൊടി, ബ്രഡ് , നാരങ്ങനീര് എന്നിവ നന്നായി അരച്ചെടുക്കുക. അതിന് ശേഷം കുറച്ച് അരച്ചുവെച്ചതു എടുത്ത് കോൽ ഐസിന്റെ ആകൃതിയിൽ ആക്കുക. ഐസ് സ്റ്റിക്ക് അതിലേക്ക് കുത്തി വയ്ക്കുക. 
  • ഒരു മണിക്കൂർ ഫ്രീസറിൽ വെച്ചാൽ കട്ടി ആയി കിട്ടും. 
  • ഒരു പ്ലേറ്റിൽ മുട്ട എടുക്കുക, അതിലേക്ക് കുറച്ച് ഉപ്പും കുരുമുളകും ചേർത്ത് ഇളക്കി വയ്ക്കുക. മറ്റൊരു പാത്രത്തിൽ ബ്രഡ് പൊടിച്ചത് എടുത്ത് 1/4 ടീ സ്പൂൺ ഉപ്പും 1/4 ടീ സ്പൂൺ കുരുമുളകും ചേർത്ത് ഇളക്കി വയ്ക്കുക. 
  • ഉണ്ടാക്കിവെച്ചിരിക്കുന്ന ചിക്കൻ പോപ്‌സിക്കിൾ മുട്ടയിൽ മുക്കി ബ്രെഡ് പൊടിയിൽ പൊതിഞ്ഞു എണ്ണയിൽ വറത്തു കോരുക. 

ചീസ് സോസ് 

ഒരു പാനിൽ ബട്ടർ ചൂടാക്കി പാലൊഴിച്ചു തിളപ്പിക്കുക. അതിലേക്ക് മൈദ ചേർക്കുക. കുറുകി വരുമ്പോൾ അതിലേക്ക് ചീസ് ചേർത്ത് സോസ് പരുവം ആവുമ്പോൾ വാങ്ങി വയ്ക്കുക. ചിക്കൻ പോപ്‌സിക്കിൾ ചീസ് സോസും ടൊമാറ്റോ സോസും ചേർത്ത് കഴിക്കുക.  

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA