രുചിയിൽ കേമൻ ഗ്രിൽഡ് ചിക്കൻ ഫ്രൂട്ട്സ് സാൻവിച്ച്
Mail This Article
കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടുന്നൊരു ബ്രഡ് സാൻവിച്ച് രുചി പരിചയപ്പെടാം.
1.ചിക്കൻ ( ഒറിഗാനോ, റോസ്മേരി, ഉപ്പ്, കുരുമുളക്, ഒായിൽ എന്നിവ ചേർത്ത് മാരിനേറ്റ് ചെയ്ത് പാനിൽ ഗ്രിൽ ചെയ്തെടുത്തത്) - 700 ഗ്രാം
പൈനാപ്പിൾ കഷ്ണങ്ങളാക്കിയത് - 1 കപ്പ്
ഗ്രീൻ ആപ്പിൾ - 2
മുന്തിരി (ഗ്രീൻ)- 1/2 കപ്പ്
വറുത്ത ബദാം- 1/2 കപ്പ്
2. മുട്ട - 2
ചെറുനാരങ്ങാനീര് - 1/2 വലുത്
പഞ്ചസാര - 1/2 ചെറിയ സ്പൂൺ
ഉപ്പ് - പാകത്തിന്
വിനാഗിരി - 1/2 ചെറിയ സ്പൂൺ
ടൊമാറ്റോ കെച്ചപ്പ് - 1 വലിയ സ്പൂൺ
ചില്ലി സോസ് - 2 വലിയ സ്പൂൺ
വെളുത്തുള്ളി -5 അല്ലി
ക്രീം - 2 വലിയ സ്പൂൺ
3. സൺഫ്ലവർ ഓയിൽ - ആവശ്യത്തിന്
4. ബ്രഡ് സ്ലൈസസ് (മിൽക് ബ്രഡ്) - ആവശ്യത്തിന്
തയാറാക്കുന്ന വിധം
∙ ഒന്നാമത്തെ ചേരുവ നുറുക്കി വയ്ക്കുക.
∙ രണ്ടാമത്തെ ചേരുവ നന്നായി അരച്ചെടക്കുക. ഇതിലേക്ക് അൽപാൽപമായി ഓയിൽ ഒഴിച്ച് വീണ്ടും അരയ്ക്കുക, കട്ടിയായി വരണം.ഇതാണ് സോസ്. ഇതിൽ ഒന്നാമത്തെ ചേരുവ ചേർത്ത് യോജിപ്പിച്ച് വയ്ക്കുക.
∙ ഈ മിശ്രിതം ബ്രഡിനു മുകളിൽ വെച്ച് മറ്റൊരു കഷ്ണം ബ്രഡ് കൊണ്ട് മൂടി മുറിച്ച് വിളമ്പാം.